TXINTXARRI aldizkarian argitaratzen diren hau bezalako zutabeetan mila eta bostehun karaktere biltzen dira. Karaktere horiek gogoeta bati ematen diote forma. Lehendabizi burua eragin behar da ideia baten bila. Batzuetan iltzatuta geratu zaigun kaleko eszena bat izan daiteke abiapuntua, edo herriko denda batean entzundako elkarrizketa, edo aurreko asteburuan egindako ospakizuna. Gogoetarako lehengaia edonon sor daiteke. Normalean ideia bat baino gehiago agertuko dira hautagaitzara. Batekin eta bestearekin probatu eta azkenean baten indarrak harrapatuko gaitu, gainontzekoek baino aukera gehiago ematen digutelako testua garatzeko eta borobiltzeko. Idazten hasi eta, ideia batetik bestera salto eginez, argudioak josten joango gara tartean iritziak ez ezik, kezkak, kritikak, desioak…, ere agertuz. Mila eta bostehun karakterek ez dute ematen bide luzea egiteko, baina zutabegileak bide hori disfrutatzen du hausnartzea eta idaztea gogoko duelako. Polita izaten da azken karakterea idatzita utzi eta atzera begiratzea hitzen jarraiak utzi duen arrastoa ikusteko. Eta nahiko nuke testu honen azkenengo karaktereak 25 zenbakiaren forma irudikatzea. 25 urte pasa baitira TXINTXARRI aldizkaria sortu zenetik, ilusioz beterik, gogotsu eta ausart. Bitartean, aldaketak joan dira pilatzen, eta, pentsatzekoa denez, gorabeherak ere bai. Baina, gaur eta hemen, Lasarte-Orian, komunikabide bat dugu euskaratik eta euskaraz herri gisa pentsatzeko eta irudikatzeko. Mila eta bostehun karaktere euskarari forma emateko. Hala izatea nahiko nuke luzerako, gutxienez orain betetzen diren urteak bezain beste. Beste 25.

blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ODEI
Zorionak Odei. Muxu pila bat familia guztiaren partez. Asko maite zaitugu!!
AZKEN PDFa
1444 ( Abenduak 14 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48