Herriko bizitzari eusteko aldarria
Aterpeak 25. urteurreneko ospakizunak aurkeztu ditu, emozioz beteriko ekitaldian. Ramon Ormazabal presidenteak historiari errepasoa eman dio, eta etorkizuneko erronkei buruz hitz egin du. Herriko eragileei eskerrak eta oroigarri bat eman dizkie

Atzera begiratzea ariketa ona da, norbera nondik etorri den ikusteko, eta, batez ere, nora joan nahi duen zehazteko. Horixe bera egin du Ramon Ormazabal Aterpeako presidenteak. Lasarte-Oriako merkatari eta ostalarien elkarteak 25 urte bete ditu, eta urtemugaren ospakizunen aurkezpena baliatu du herriko merkataritzaren azterketa egiteko. Hastapeneko garaiak gogorrak izan ziren, giro politiko gatazkatsu baten erdian. Gerora ere ez dute bide leuna izan. Urbil merkataritza zentroak kolpe gogorra eman zien dendari txikiei. Etorkizuna ere lausoa ikusten du. Herri ingurua saltoki handiez josi nahi dute. Hori aski ez, eta berrikuntza digitalek erosteko ohiturak errotik aldatu dituzte, bereziki gazteengan. "Interneteko salmenta desleiala da".  

Gertaera berezia da mende laurdena betetzea. Horregatik, denbora darama Aterpeak mimoz eta xehetasunez ekitaldia prestatzen. Eusko Jaurlaritzako Merkataritza Zuzendari Juan Andradesek lagundu du Ormazabal. Alfredo Retortillo Turismo, Merkataritza eta Kontsumoko sailburua zen etortzekoa, baina azkenean "agenda arazoengatik" huts egin du. Udal ordezkariak ere gonbidatuta zeuden, baina udalbatzarra ordu berberean zutenez, agertu direnak berandu egin dute. 

1993. urtean eratu zuten Aterpea, baina dendarien elkartzeko mugimendua lehenagokoa da. 1970eko hamarkada bukaerako industria krisiak erne jarri zituen. Garai haietakoa da Michelingo 100 eguneko greba. Testuinguru horretan itxi zituzten ATC, Bianchi eta Brunet. Ezinbestean salmenten beherakada sufritu zuten merkatariek, eta horri aurre egiteko batzeko lehen pausoak eman zituzten. 

1986an, udalerri propioa
Udalerriaren sorrera gogora ekarri du Ormazabalek. Haren ustez, giltzarria izan zen 1986an udal propioa eratzea. "Data hori ez da kontutan hartzen, baina oso garrantzitsua izan zen. Kaleak, osasun zentroa, kiroldegia… ditugu horri esker".

Aterpearen estatutuak 1993. urtean onartu zituzten. Lehendik sortua zegoen dendarien mugimendua, baina orduan hartu zuen legezko izaera. 50 bat establezimenduk osatu zuten elkartea lehen urte horretan. Hurrengo urtean 100 baino gehiago izatera iritsi ziren, ostalariak ere barnean hartu baitzituzten. 

Aterpearen historian mugarriak izan diren gertaerak aipatu ditu Ormazabalek. 1998an Eusko Tren jarri zuten Donostiara; oro har,  herriarentzako onuragarria izan arren, hiriburuko dendekiko lehia zuzena ekarri zuen. "Erronka berri bat izan zen guretzat, herrikideak hiriburura ihes egin ez zezaten. Donostiarrak erakartzea aukera are zailagoa zen".  

 Berezia izan zen 2000. urtea. Alde batetik, euroa ezarri zuten. "Jakin genuen aurrera egiten, berriz ere". Bestalde, urte horretan Urbil merkataritza gunea ezarri zuten. "Prestatu behar izan ginen. Kosta zitzaigun, baina lortu genuen, nahiz eta askok itxi behar izan". 

2004. urtean herriko merkataritzaren azterketa egitea enkargatu zuen udalak, berebizikoa sektorean erabaki estrategikoak hartzeko. "Ordura arte Aterpeak ez zuen diru laguntzarik jasotzen, udalean esaten zutelako irabazi asmoa genuela". Enpresa pribatuek osatzen dute Aterpea, baina herriko bizitza suspertzea dute helburuetako bat. Izan ere, Ormazabalek askotan esan du: "Dendarik gabeko herria hilik dago". Hortik dator urtemugako leloa: 25 urte herrigintzan zurekin. 

Eskerrak herriko eragileei
Iraganari buruzko zertzeladak bai, baina etorkizuna marrazten ere saiatu da Ormazabal. Eta hartu dion itxura nahiko iluna da. Ez da harritzekoa; Michelin 2, Leroy Merlin, Belartza 2… Lasarte-Oriako ingurua hartuko dute merkataritza zentroek. Eusko Jaurlaritzako ordezkaritzaren presentzia aprobetxatu du eskaera bat egiteko: behingoz Lurraldeko Plan Sektoriala onartzea. Plan horrek mugak jartzen dizkie saltoki handiei, baina onartu artean lege hutsune moduko bat dago, eta gune horiek eraikitzen ari dira atsedenik gabe. "Lasterketa bat dirudi, ea zein udalerrik erakartzen dituen multinazional gehiago", salatu du Aterpeako presidenteak. 

Eskerrak emateko baliatu du ekitaldia Aterpeak. Urteurreneko ekialdien nondik norakoak eman ondoren, herriko eragileak deitu ditu, oroigarri bat emateko eskertza moduan; ferra bat, elkartearen ikurra. Tartean Ttakun Kultur Elkarteak eta txintxarrik ere jaso dute. "Kirol eta kultur ekintza gehien dituen Gipuzkoako herria da. Horrek ematen dio bizitza". 

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
ANTONIO ETA BITORI
Muxu handi-handi bat Septien eta Murillo familiaren partetik. Ondo pasa zuen 50. urteurrenean.
AZKEN PDFa
1434 ( Irailak 21 )
GUARDIAKO FARMAZIAK
Gil ( Ostirala)
Kale Nagusia 24
Tel: 943 361529
ASTEA
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48