Txema San Aniceto: "Jantziak egiteko aukera ederra da ikastaroa"
Euskal Jaiak ate joka daudela eta, Ttakun Kultur Elkarteak jantzi tradizionalen ikastaroa antolatu du aurten ere. Urria eta azaroan izango dira bi ikastaro

Gona, zapiak, mantala, atorra...Euskal Jaiak edo Gabonetarako jantzia prest izateko, aurten ere Ttakun Kutur Elkarteak euskal jantzi tradizionalen ikastaroa egingo du. Bi ikastaro izango dira, urrian eta azaroan. Saioak astearte eta ostegunetan izango dira, 15:00etik 17:00era, Emakumeen Zentro Zibikoan. Izen ematea Ttakuneko bulegoan egin behar da. Matrikula   25 eurokoa da elkarteko bazkide ez direnentzat; bazkideek 22 ordaindu behar dituzte. Txema San Aniceto (San Miguel de Robledo, Salamanca, Espaina, 1956) izan da ikastaroko ikasleetako bat.

Nolatan erabaki duzu parte hartzea?

Denbora dut gauzak egiteko, eta jantzia egitea pentsatu nuen. Dantza egiten dut, eta ez dut jantzirik data seinalatuetarako. Erosi edo egin? Horixe izan zen nire buruari egindako galdera. Azkenean, egitea erabaki nuen. Uste nuen erraza izango zela, tolestura egin, goma bat sartu eta listo.

Eta zure emaztearentzako jantzia egin duzu…

Nire jantzia egin behar nuen hasieran. Baina ikastarora hurbildu, eta Ionek esan zidan hasteko emakumeen jantziarekin, gona egitea errazagoa zela. Baietz esan nion, pentsatuz tolestura egin, goma bat sartu eta listo izango zela. Ionek ezetz esan zidan, ez zela hori bakarrik, baina erraza zela. Nik bere esku utzi nuen, berak lagundu behar baitzidan. Emazteari bere gustuko oihalak erosteko esan eta jantzia egin nuen. 

Ba al zenekien josten? 

Zerbait banekien. Botoia jarri eta beste bi gauza. Makinarekin ere zerbait ibilia nintzen.

Orduan Ione Artola irakaslearen laguntza garrantzitsua izan da? 

Bai. Ionek patroiak egin zituen, eta nik gero oihalak moztu, albaindu eta josi nituen. 

Ikastaroan bi ordu ziren. Etxeko lanak ere eramaten nituen. "Hori erraza da, etxean egin behar duzu", esaten zuen Ionek, eta hurrengo egunerako prest izaten nuen. Egunero, pixkanaka pixkanaka, txalekoa izan ezik, gona, alkandora eta mantala egin nituen.

Pausoz pauso joan nintzen, eta alkandoran ere izurrak egin nituen. Hori izan zen zailena. Gero etxean txalekoa egitea erraza izan zen.

Asko ikasi dut, baita makinaren ojalak egiten ere. Etxean asko praktikatu behar izan nuen.

Zer moduz giroa?

Giro ederra izan dugu. Arazorik ez dut izan. Primeran egon gara. 

Ikastaroko kideek ere laguntzen ninduten. Hori horrela ez, hobe duzu horrela egitea… Edo Ionek erabilitako hitz teknikoak eta gauzak galdetzen nizkien. Esate baterako, nik ez nekien zer zen entretela, eta haiek azaldu zidaten. 

Nire errezelo bakarra hasieran izan zen, Emakumeen Zentro Zibikoan egiten zela jakitean. Ni horra sartu naiteke? Baina arazorik ez zegoen, eta aurrera egin nuen. 

Aurten ere parte hartuko duzu?

Bai, noski. Oraingoan bai, nirea egingo dut. 

Herritarrak animatzen dituzu ikastaroa egitera?

Jantzia egin nahi duenak aukera ederra du ikastaro honetan. Gizonezkoak ere pausoa ematera gonbidatzen ditut.

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48