Pablo Barrio: "Herritarrek nahi badute, dena da posible"
Kataluniako galdeketan egon da Barrio asteburuan, nazioarteko behatzaile gisa. Bertatik bertara ikusi du erreferendumak piztutako itxaropena: "Mugarri bat izan da"

Udalbiltzak Kataluniara bidalitako ordezkaritzaren parte izan da Pablo Barrio, Lasarte-Oriako EH Bilduko zinegotzia. Calella eta Arenys de Munt udalerrietako bozkalekuetan izan da, Kataluniako erreferenduma ikuskatzen. 

Zer giro zegoen zu izan zinen hauteslekuetan? 

Beste lekuetan bezala, gu iritsi girenerako, 08:00etarako, jende asko zegoen bertan, lekua babesten. Hango udal ordezkariek jaso gintuzten, eta bozkalekura ilaran sartu ginen; jendea bazterreratu egin zen gu pasatzen uzteko. Txaloka eta oihuka hasi ziren, eta Tourrean  txirrindulariak bezala pasa ginen. Oso hunkituta zegoen jendea. Une ikaragarria izan zen. Adin eta mota guztietako jendea zegoen. 

Istiluak egon al ziren zu izandako lekuetan? 

Ez. Kalez jantzitako poliziak zeudela esan zuten, baina gero ez zen ezer gertatu. Calellan ostatu hartua zuen Poliziaren konpainia batek, eta istiluak izan ziren hotelaren aurrean. Lasai zegoen egoera, baina denak adi zeuden, edozein unetan gerta zitekeenaz jakitun. 

Irudietan ongi ikusi zen Poliziaren jazarpena. Horrek giroa aldatu al zuen? 

Polizia ez zen etorri gurera, eta horrelako irudiak ez genituen ikusi. Egun handia izan zen katalanentzat, eta hunkituta zeuden. Festa giroa zegoen, nolabait. Adineko bi emakume entzun nituen hizketan: "Ez nuen bozkatzeko asmorik, baina gertatutakoa ikusita, bozkatu egin behar da. Eta bai bozkatu behar da". Frankismoan ezagutu zutena errepikatu zen igandean. Lasai zeuden, baina erantzuteko prest. Polizia etorriko zen beldur, segituan jarri zituzten traktoreak bozkalekuaren atarian. 

Estatuaren esku hartzea saihestu, eta azkenean lortu dute erreferenduma egitea. Ongi antolatu beharra dago hori egiteko. 

Ardurak oso ondo banatuta zituzten, bazekiten nola jokatu egoera jakin batzuen aurrean. Eskolak gau osoan irekitzeko egitarauak prestatu zituzten: zumba ikastaroak, paella jateak, kaleak moztu zituzten obren aitzakiarekin... Milaka hautetsontzi izango zituzten, baina Guardia Zibilak ez zuen bat bera ere antzeman. Pentsa zer nolako antolakuntza eduki behar den. Azkeneko xehetasuneraino aurreikusita zuten dena. 

Iruzur salaketak egon ziren. Espainiako telebista kate bateko kazetari batek erakutsi zuen nola bozkatu zuen bi aldiz. 

Halako egoerak izango ziren. Horrelako egoeran gauzak ezin dira perfektu egin. Hain zuzen, hori da Estatuak bilatu duena. Baina beste milaka pertsonari ere galarazi zieten bozkatzera joatea. Errolda unibertsala egin zuten, eta sistema informatikoa blokeatu zietenean eskuz hartu zituzten datuak. Egoera zein zen ikusita, ustezko irregulartasunen inguruan ez da egon eztabaida handirik. 

Egoera ikusita, emaitzak arrakastatsuak direla esan daiteke.  

Oso arrakastatsuak. Jendeak ez zekien aukera izango ote zuen bozka emateko. Bozkatu nahi baina ezin izan zutenak ezugutu genituen. Arriskuagatik eta beldurragatik asko etxean geratu ziren. 

Udalbiltzako hautetsiek aterako zenituzten irakaspen asko Kataluniako erreferendumetik.   

Zalantzarik ez dago. Irakaspena guztiontzat da: dena da posible jendeak hala nahi badu. Horretan sinetsi behar dugu. Nahi izateaz gainera, dena ongi antolatua egon behar du. Igandekoa posible izan zen hautetsontziak ongi ezkutatu zituztelako, eszenatoki posible guztiak aureikusi zituztelako, horien aurrean nola jokatu behar zuten bazekitelako,  ardurak ondo banatu zituztelako... Kataluniakoa ez da ustelkeria ezkutatzeko gobernuen estrategia bat. Ezta inondik ere. Katalunian herria mugitu da, eta mugimendu horren atzetik politikariak joan dira derrigortuta. Posible da, sinesten badugu eta herria atzean badago. 

ARGAZKIAK
blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
JUNE
Zorionak June! Muxu pila aitatxo, amatxo eta familia osoaren partetik.
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48