Julen Basterra Garmendia: "Poesiak bide bat ematen du egia esateko"
Basterraren bi obra saritu ditu Lasarte-Oriako Literatura Sarietako epaimahaiak: 'Jainkoa eta Egoa' poesia eta 'Nire kontzientziari ipini nion izena' mikrokontakizuna. Ideiak askatzeko tresna du poesia

Noizean behinka idazten du Julen Basterrak (Lasarte-Oria, 1993), "beharra" sentitzen duenean. "Bat-batean etortzen zait. Ez dut idazten helburu batekin. Idaztea bera da helburua". Terapia moduan erabiltzen du literatura:  "Batzuetan lasaitu egiten nau, batzuetan atsegina ematen dit, batzuetan animatu egiten nau, batzuetan askatu". Aurretik irabazia zuen Lasarte-Oriako Haurrentzako Literatura saria, eta aurte ere parte hartzea erabaki du. Bi sari irabazi ditu: poesiarena eta mikroipuinarena. 

Jainkoa eta Egoa izena du saritutako poesiak. Zer adierazi nahi izan duzu? 

Gatazka bat adierazi nahi nuen. Kontrakoak diren bi ideia. Jainkoa kontzeptu korapilatsua da, definizio asko eman baitira hari buruz. Jainkoa zentzu panteistan ulertzen dut nik. Alegia, dena da Jainkoa. Hori da gizakiaren hasierako abiapuntua. Nik Jainko bezala ulertzen dut natura. Baina gizartean, gure inguruak eta aurreiritziek, pentsamenduek azken finean, gatazka sortzen dute. Eta ez gara konturatzen egoera horretan gaudela. Egoak ere sortzen du gatazka hori. Jainkoa eta Egoa nahi ditut kontrajarri. Egoa gatazka sortzaile bezala; pentsamenduaren bidez sortzen du gatazka bat: gizakiaren berezko izatea desbideratzen du eta batasuna hausten. 

"Hasiera-hasieran zer ginen? Bakea ederra zen unean, ezertxo ere ez", diozu. Egorik gabe bakean bizi ginen? 

Ez genuenean pentsatzen, ez geniekeenean egoa ginenik, hau da, ez dakigunean Adrian, Julen… garela, bakea ederra da. Zentzu horretan, ez ginen ezer. Bagara zerbait, baina ez dugu pentsatzen garen horri buruz, horregatik dago bakea. 

Berri Txarrak taldeari ere erreferentzia egiten diozu poesian.

Bai, izenak ematen digu izana, eta nahi dugu izan gure izenaren arabera. Baina hasieran ez genuen izenik; orduan hor ezina sortzen da. 

Oteiza ere aipatzen duzu.  
Berak poesia liburu bat du Existe Dios al noroeste [Jainkoa existitzen da ipar-mendebaldean]. Zergatik koordenatu hori? Ipar-mendebaldea bihotzean dago. Zergatik? Hor daukagulako indar immanente hori. Baina, azken finean, bihotza ere metafora bat da. Gure berezko izatea adierazteko modu bat.

Iparrorratz bati buruz ere hitz egiten duzu.  

Teknologia adierazi nahi dut iparrorratzarekin. Iparra non dagoen esaten dizu, baina zuk barruan indar hori baduzu, bihotza, eta ez duzu behar iparrorratzik. Eta teknologiarekin berdin. Barruan baduzu indarra, ez duzu izatez haren beharrik. 

Poesiaz gain, mikrokontakizun saria ere irabazi duzu, Nire kontzientziari ipini nion izena obrarekin. 

Niri buruzkoa da. Baina, aldi berean, saiatu nintzen pentsatzen zer pentsatzen zuen jende guztiak. Nire kontzientziari ipini nion izena da, baina uste dut jende askorena ere badela. Aipatzen ditut infinitua eta ezereza, gure kontzientzia bi eremu horien artean dagoen espazioa delako. Edo infinitura goaz, aurrera goaz, bizitzara goaz… Kontakizunean, itsasoa bezala definitzen dut. Edo, bestela, amildegira goaz, ezerezera. Gure kontzientzia horren artean dago: bizitzeko bulkada amaigabe baten eta hiltzeko nahi amaigabe baten artean. Eta gu hor bizi gara. Momentu batzuetan oreka galtzen dugu, eta amildegira edo itsaso aldera goaz. Horregatik aipatzen dut orekaren beharra. Egunerokotasunari aurre egiteko behar duzu oreka. 

Zer esan nahi du sari honek zuretzako?  

Sariak ez zaizkit gustatzen, baina aitorpen sozial bat egotea ondo iruditzen zait, barruan daukazun hori esan izana saritzea. Egia saritu egin behar da, eta poesia bide bat da egia esateko. 

 

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
IMANOL
Zorionak. Ritxar, Begoña, Patxi, Itziar, Pablo eta Maiteren partez.
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48