Joxe Krutz Labaka: "Ikaragarria da urtero jendeak erakusten duen prestutasuna"
Orain urte batzuk hasi ziren bertsolaritza herriko beste diziplinekin jorratzen, jende gehiagorengana hurbiltzeko. Egun Udaberriko Bertso Saioa ekitaldi indartsua da

Urte dezente daramatzate Udarriko Bertso Saioa egiten. "Hamar bat bai", Joxe Kruz Labakaren arabera. Hasiera-hasieratik egon da antolaketa lanetan murgilduta, eta saioaren bilakaeraren lekuko zuzena izan da. Hasieran sanpedroetan egiten zuten gazteekin bertsolaritza ekitaldi bat, baina ez zuten asmatu jendea erakartzen, eta udaberrira aurreratzea erabaki zuten. "Orduan proposatu zuten herrian egiten ziren beste jarduerak bertso saioan txertatzea". Ordutik izaera berezia hartu du. Dantza, bakarrizketak, abestiak, eta beste diziplinak nahastu izan dituzte. Aurten Kukuka Antzerki eta Dantza Taldeak parte hartuko du, antzerkia bertsolaritzarekin ezkonduko baitute. 

Asmatu zenuten Udaberriko Bertso Saioaren formatuarekin. Egun saio indartsua eta erakargarria da.  

Bai, erreferentzia diren bi bertsolari etortzen dira beti, eta gero Ane [Labaka], herrikoa delako. Xabi Paya etorri izan da ere; oso ongi moldatzen zen mota honetako saioetan. Ez da saio tradizionala; herrian beste diziplinetan gauzak egiten dituen jendearen ikuskizunak txertatzen ditugu. Ez da bertso saio soila.

Erakusleiho moduko bat bada bertsolaritzarentzat, bertsozaleak ez direnak erakartzeko, ezta?   

Horrexen bila ibili gara, hain justu. Agian badago baten bat bertso saio batera joango ez dena, baina tartean beste diziplina bat sartuz gero, bertsoak gustura entzungo dituena. 

Gainera, diziplinen uztarketa horrek eman du gero beste proiektu eta elkarlanerako oinarria. 

Orain urte batzuk Semblante Andaluzekin egin genuen bertso saio bat elkarlanean, bertsoak zuzenean itzultzen. Besteetan dantzarekin egin izan dugu, aurrekoan trikitiarekin, literaturarekin... Orain bi urte bakarrizketekin egin genuen. Hortik sortu zen Erradikalak gara ekimena. Anek eta Bea Egizabalek ikusi zuten sakondu zezaketela, eta Euskal Herrian bueltaka dabilen ikuskizuna sortu zuten. 

Nola izaten da beste diziplina aukeratzeko prozesu hori? 

Urte hasieran elkartzen gara zer gai jorratuko dugun aztertzeko. Askotan gai bati buruz hasten gara pentsatzen, baina beste puntan bukatzen dugu. Baina gaia edozein dela ere, nabarmentzekoa da jendearen prestutasuna. Oso gutxitan inork eman digu ezezkoa. Alde batetik normala da, jendea urte osoan aritzen baita bere kontuetan, eta horrelakoetan lana ikustarazteko aukera dute. Edozeinengana joan, eta denak daude irekiak ekarpenak egin eta laguntzeko. Ez dakit beste herrietan nola gertatzen den, baina hemen izugarria da herritarren inplikazioa. 

Bertsolaritzak eskaintzen ditu aukera asko beste diziplina askorekin uztartzeko.  

Bai. Agian lehen bertsolaritza bere jardunera mugatua zegoen. Baina orain beste esparruetara ari da zabaltzen, eta ongi etortzen zaio. Herrian bertan, adibidez, Literatur Txokoak urtero egiten du saio bat idazleekin batera. Emakume bertsolariak ere ari dira beste kontu batekin. 

Umeak ere izaten dute lekua udaberriko saioan. Aurten Kukukako gazteak arituko dira.  

Bai, baina aspaldiko kontua da hori. Ostadarreko futboleko nesken kadeteak sartu izan ditugu oholtza gainera baloiarekin txorakeriaren bat egitera. Beste batean igo genituen Beltzak taldearen mutil koskorrak. Dantzan beti egon dira haurrak. Idazleetan gaztetxo bat ere bagenuen. Aurten ere izango dute zeregina. 

Antzerkiari egokitu zaio aurten saioan parte hartzea. Nola antolatu duzue? Zer aukera ematen ditu antzerkiak?  

Esketx txikiak egin, eta batzuetan gaia bera izango da. Beste batzuetan gai jartzailea eramango du bat proposatzera.

Jorratuko al da antzerkigintzan bat-batekotasuna? Agian aktoreak ohitura gutxiago izango dute horretarako. 

Pare batek-edo zerbait inprobisatuko dute, baina lehendik landuko dituzte esketxak. Guri ere komeni zaigu nolakoa izango den jakitea, gai jartzaileak saioa bideratu dezan. Bertsolariek inprobisatzearekin nahikoa dugu. 

Andoki Egaña eta Maialen Lujanbio izango dira Lasarte-Orian. Urte askotan parte hartu dute. Nolakoa da haien harremana saioarekin?  

Oso gustura etortzen dira, haientzako ere oso saio desberdina delako. Deitutako guztietan parte hartzen dute. Urte batzuetan bertsolariak mozorrotuarazi eta haien roletik aterarazi ditugu. Eta, halere, etortzen jarraitzen dute. Harreman estua dute herriarekin; urtean hiru bat aldiz-edo etorriko dira. 

Ane Labakak ere ez du hutsik egiten. 

Herrikoa da, eta berari ematen zaio beste herrietan izaten ez duen aukera. Gainera, beste biekin batera saio batean aritzea ez da egoten bertsolari askoren eskuetan.

Larunbateko saioaren inguruan zerbait aurreratzerik posible al da? Aktoreek kartzelako saioa egin behar dutela zabaldu da. 

Froga bat egingo dugu. Bertsolari bati antzerkitxo bat egingo diote, eta hori izango da berarentzako kartzela gaia. Gero hurrengoa etorriko da, hari ere ahal den pieza antzekoena antzeztuko diote, eta ea hari zer iradokitzen dion. Ikusiko dugu antzerki berdintsua ikusita zer sortzen duten bertsolariek. 

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
IMANOL
Zorionak. Ritxar, Begoña, Patxi, Itziar, Pablo eta Maiteren partez.
AZKEN PDFa
1434 ( Irailak 21 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48