Rosa Tejado eta Patricia Sanchez: "Guztion ideiak batuta, mozorro originala osatu genuen iaz"
Ospakizunak, ikuskizunak eta jaiak gaiari helduta, Donostiako udako giroa ekarri zuen iragan urtean Lasarte-Oriako familia batek. Originaltasunari esker, mozorro lehiaketa irabazi zuten

Ate joka dira Inauteriak, eta urteroko mozorro festak ez du hutsik egingo aurten ere. Trapu zaharrak bilatu, eskulan saio pare bat egin eta apain-apain irtengo dira herritarrak festara. Horrela egin asmo dute, aurten ere, Patricia Sanchezek (Lasarte-oria, 1972), Rosa Tejadok (Lasarte-Oria, 1967) eta Jon Tejadok (Lasarte-Oria, 2006). Ez dakite mozorro onenaren saria eskuratuko ote duten. Iaz halaxe egin zuten. Izan ere, oraindik ez dute mozorrorik prestatu. Baina ideia bat baino gehiago dauzkate buruan bueltaka, eta ziur garaile izateko saiakera egingo dutela aurten ere. Mozorro garailea nola prestatu  zuten kontatu diote  Txinxtarri-ri.

Nola bururatu zitzaizuen Donostiako gaia inauterietara ekartzea? 
Rosa Tejado: Guztion artean erabaki genuen. Ideia atera zen, eta hortik, ideia berriak gehitzen joan ginen. Partaide guztien ideiak elkartuta, mozorro originala osatu genuen.
Patricia Sanchez: Taldetxo bat osatzean, bakoitzari ideia asko sortzen zaizkio, eta horrela osatu genuen gure lehengo urteko mozorroa. Ideia oso politak ateratzen dira denen artean eginda.

Oso mozorro originala jantzi zenituzten. Nola prestatu zenituzten? 
P.S.: Etxean egin genituen mozorro guztiak. Rosaren etxean elkartzen ginen, eta bertan prestatu genuen guztia: batek Juantxo tabernako papera inprimatu, beste batek polispana erabiliaz Kontxako barandilla egin zuen, izozkiak ere egiten aritu ginen, eta baita su-festak irudikatzen ere.
Gustura arituko zarete mozorroak prestatzen, noski. 
R.T.: Oso gustura aritzen gara, bai. Inauteriak prestatzea aitzakia ederra da familian elkartu eta elkarrekin mozorro jaia bizitzeko. Etorkizunean bizitako une hauek gogora ekartzea polita izango da; beti gogoratuko ditugu prestatzen eta egunean bertan bizitako momentu politak.
Familian, gainera, artista handiak ditugu, eta denok uztartuta gauza politak egitea lortu genuen.

Donostiako uda giroa irudikatu zenuten. 
P.S.: Bai, hori da. Donostiako Aste Nagusia hartu genuen abiapuntu gisa, eta hori irudikatzeko prestatu genituen gure mozorroak. 
Zer ikus daiteke Donostiako Aste Nagusian? 
R.T.: Guk, batez ere, ezagunak diren ekitaldiak ekarri genituen Lasarte-Oriara: su-festa, izozkiak janez horiek ikustera joaten den jendea, Donostiako  emakume apainak, Euskal Irrati Telebistako kazetaria, besteak beste.

Baina pertsonaia horiek guztiak ez zenituzten hasiera hasieratik finkatuak.
P.S.: Taldera jendea gehitzen joan ahala prestatzen genituen mozorro berriak.
Hasiera batean, Kontxako barandillak eta emakume apainek osatu behar zuten mozorroa, baina jendea gehitzen zihoan heinean sartu genituen mozorro  gehiago. Pixkanaka osatzen joan ginen.

Adin askotariko senitartekoek osatzen duzue taldetxoa. Ziurtatuta al dago taldean erreleboa?
R.J.: Bai, noski. 11 edo hamabi senitartekok osatzen dugu taldea, adin askotarikoak. 
Espero zenuten saririk?
P.S.: Nik bai. Kalera irten eta jendearen erreakzioak ikusi eta entzun ostean, irabazi genezakeela pentsatu nuen. Jende askok adierazi zigun oso mozorro ona zela, eta irabazteko aukerak ikusten hasi ginen. Oso ondo pasa genuen.

Lanbideak dira aurtengo gaia. Prest al duzue jada?
P.S.:Oraindik ez dugu ezer zehaztuta. Zerbait pentsatu dugu, baina oraindik ez dugu familian hitz egin. 
R.T.: Hasiera batean kanpora joatekoak ginen, baina eguraldi txarragatik herrian geratuko gara, eta beraz, azken uneko mozorroa izango da aurtengoa.
P.S.: Giro polita sortu da azken urteetan, Lasarte-Oriako  inauteri asteburuan. Oso polita da herrian bildu eta herriko inauteria bizitzea. 

 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48