Guillermo Trombotti: "Maratoian hasten da benetako lasterketa"
Guillermo Trombottik Gasteizko distantzia luzeko triatloia osatu du: 3,8 kilometro igeri, 180 bizikletan eta 42 lasterka. Gisa honetako hirugarren proba du Trinko taldeko kideak. "Espero dut gehiago egiteko aukera izatea"

"Esperientzia bakarra da". Eta ez da harritzekoa; 3,8 kilometro igeri, 180 bizikletan, eta amaitzeko, nahikoa ez eta maratoi bat (42 kilometro lasterka). Hirugarrenez egin du Guillermo Trombottik (Rosario, Argentina, 1977) distantzia luzeko triatloia. Joan den igandean osatu zuen erresistentziako proba, Gasteizen. 12 ordu eta 12 minutu behar izan zituen. Ahaleginaren ostean, pozarren eta saltoka ikus daiteke azken metroetan, helmugan grabatutako bideoan. Ez baita nolanahiko erronka. Errekuperatzen dabil aste honetan, oraindik zertxobait minduta. Baina ez du zalantzarik: "Hurrengo urtean bueltatuko naiz Gasteizera". 

Bigarren urtez egin duzu Gasteizko distantzia luzeko triatloia. Zer du proba horrek errepikatzeko? 

Izugarria da. Hiri osoak bultzatzen zaitu, denak oso inplikatuta daude triatloiarekin eta probarekin. Esaten dute triatloiaren hiria dela. Behobia-Donostia lasterketaren giroa arnastu daiteke. 

Igandean izan zen proba. Egun batzuk lehenago joan zinen hirira. 

Bai, Gasteiz oso ederra da, eta asteburu osoa aprobetxatu genuen familian, turismo pixka bat egiteko.

Nolakoa izan da hirugarren distantzia luzeko proba? Denbora aurreikuspenak bete dituzu? 

Espero baino hobeto. Zortzi minutu jaitsi ditut aurreko marka. Horrelako proba batean oso ondo kontrolatu behar duzu zeure burua. Sektore batean indartsuegi bazoaz, litekeena da hurrengoan sufritzea ondorioak. Aurten bizikletan hobeto ibili naiz, baina gero maratoian majo sufritu nuen. 

Nola prestatzen da horrelako proba bat? Zenbat denbora behar da?

40 asteko plan bat jarraitu dut. Gorputzak ohitu egin behar du horrelako erresistentzia probetara. Planaren helburua proba bukatzea da, ahalik eta txukunenen. 

Elikadura ere zaindu al duzu?

Ez gehiegi, egia esan. Proba gerturatu ahala saiatu naiz garbiago jaten. 

Uribarri Ganboa urtegian egin duzue igeri. Lehenengo esfortzua da hori. Nola hartu zenuen igeriketa? 

Ez dut oso gustuko igeri egitea, baina eutsi egin behar zaio. 1.900 metroko zirkuitua osatu behar izan genuen bi aldiz, tartean metro batzuk lehorrean eginda. Haize pixka bat zegoen, baina ez dago korronterik; igerileku baten antzekoa da. Proba luzeetan ez dago horrenbesteko aglomeraziorik, taldeak luzatu egiten dira; ez dituzu horrenbeste kolpe jasotzen. Lehenengo ahalegina da, eta fresko zaude oraindik. 

Bigarren sektorea da bizikletarena. Aldapatxo batzuk bazituen ibilbideak, ezta?

Bai, baina ezin dira alderatu hemen inguruko mendateekin. Lasarte-Oria inguruan entrenatzen baduzu, errazagoa egiten zaizu gero leku lauago batera joaten bazara. Hori bai, izugarri polita da ibilbidea, eta ia denentzako egingarria. 

Egon dira kexa batzuk drafting-aren inguruan. Askok ez omen dute errespetatu gurpila ez hartzearen debekua.

Bai, harritu nintzen; tropeltxo batek aurreratu zidan. Arriskutsua ere bada, bizikleta askok ez baitute balazta akopleetan. 

Bizikletako esfortzuak eragina izango zuen maratoiaren orduan. Zer moduz egin zenuen korrikako sektorea?

Laua da ibilbidea, baina hiri barruan sartzean, bira asko ditu; hori da txarrena. Maratoian hasten dira komeriak. Askok oinez egin behar izaten dute. Eskerrak jende asko dagoela bide bazterrean animoak uneoro ematen.

Iaz Donostiako maratoia 3:12 denboran egin zenuen. Igandeko triatloikoa, berriz, 4:22. Hor ikusten da ordurako gorputzak jasotako zigorra. 

Ez du zerikusirik bata bestearekin. Beste kirol bat da. Maratoi normal bateko anoa postuetan ez da inor geratzen, ura hartu eta korrika jarraitzen dute. Distantzia luzeko triatloi batean ohikoa da lasaiago hartzea, minutu pare batez atseden hartzea, jan eta edateko. Nire ustez, benetako lasterketa hasten da maratoian. Hor ikusten da nola zauden, aurreko sektoreak nola eragin dizun. Erretiratzen diren gehienak korrikako sektorean egiten dute. Ni egon nintzen gelditzeko zorian. 

Fisikoki ongi prestatzeaz gainera, psikologikoki ere indartsu egon beharko zara. 

Noski. Buruak agintzen du. Oinarri bat izanda, buruak esaten badizu bukatu dezakezula, ia ziur iritsiko zarela helmugara. Arreta piztu zidan: gizon asko ikusi nituen oinez maratoian. Emakumeak, ordea, bat bera ere ez. Agian da indartsuago direlako psikologikoki. 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Urbistondo ( Astelehena)
San Frantzisko 1
Tel: 943 366567
ASTEA
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48