"Egindako lan onaren baieztapena da saria"
Hamahiru izendapenetatik hamar Goya lortu ditu 'Handia' filmak. Horien artean, David Heras lasarteoriatarrarena. Efektu bereziekin egindako lanagatik eskuratu du garaikur handia, eta une pozgarria bizitzen ari da uneotan. Beste lan batzuk ditu esku artean

Izugarria da Handia euskarazko filmak iragan larunbatean lortutakoa. Hamahiru izendapenekin joan zen film luzeko lan taldea Goya sarien ekitaldira, eta horietatik hamar ekarri dituzte Euskal Herrira. Horien artean, bat Lasarte-Oriara, hain zuzen. David Heras herritarra Handia eta Verónica filmetako efektu bereziengatik zegoen izendatua, eta euskal filmean egindako lanagatik jaso du saria. 

"Pozarren" dago lasarteoriatarra, noski, ez da gutxiagorako. Oraindik ere "guztia bizitzen" ari dela aitortu du. 

Aurretik egindako lanengatik, bost aldiz izan da izendatua Heras, baina seigarrenean iritsi da hainbeste itxarondako saria: "Aurreko izendapenetan ez nuen saririk eskuratu, eta aurten, tokatzen zitzaidala pentsatzen nuen arren, nire izena entzun arte ez nuen sinetsi". 

Efektu bereziengatik saria jasotzerako, ordea, eskuratuak zituen Handia-k hainbait Goya. Aktore berri onenaren sariak zabaldu zuen ekitaldia, eta Eneko Sagardoi erraldoiak jaso zuen.  

Ekitaldia "zirraraz beterik" hasi eta bizi zuela azaldu du Herasek: "Aurreko urteekin alderatuta laburra egin zait. Hamar sari lortu ditu Handia-k, eta ez dugu izan, apenas, denborarik aspertzeko". 

Behin sariak eskuratu eta ekitaldia amaituta, lan talde guztia elkartu eta orduan baretu ziren tentsioak. Horrela jakinarazi du lasarteoriatarrak: "Galaren ostean hasi ginen elkarri besarkadak ematen, muxuka, estatuak mahai gainean jarri eta familia argazkia atera genuen". 

Egun "zoragarri" gisa gogoratzen du larunbatekoa Herasek, baina tarte gutxi izan du lortutakoa behar bezala barneratzeko. Izan ere, igandean, lanera itzuli behar izan zuen: "Zinemaren munduan gauzak horrela dira".

Egindako lan eta esfortzu guztien "ordainsaria" da Goya lasarteoriatarrarentzat. Izendapena jaso izana egindako lan onaren "aitortza" dela dio, eta sariak, berriz, egindako lana ona dela baieztatu du. 

Hiru sariren falta

Pozik, "euforiaz beteta" dago Handia-ko lantalde guztia lortutakoarekin; badute nahikoa motibo horretarako. Baina Herasek azaldu du "arraroa" egin zaiola zuzendari eta film onenaren sariak ez eskuratu izana. Horietako baten bat faltan sumatu du. 

Kontatzeko modua arrakastaren giltzarrietako bat izan dela uste du. "Gaur egun, ezberdina denarekin geroz eta naturalago jokatzen dugu, baina  garai haietan, ezberdinak ziren pertsonak jendaurrean erakusten ziren. Denen aurrean arraro gisa agertzen zituzten, eta filmak oso ongi ematen du horren berri".  Zuzendariek  "oso modu egokian" jakin dute hori transmititzen, eta ikuslearengana ere iritsi da istorioa. 

Handia-ren gidoia "sekulakoa" dela nabarmendu du Herasek. "Gidoi horrekin lan egitea polita izan da". 

Orain, egindako lanaren trukean jaso dute aitortza, baina ez soilik profesionalena. Zorion mezu ugari jaso ditu lasarteoriatarrak larunbataz geroztik. "Sari banaketaren ostean, sakelako telefonoa hartu eta 650 mezu ikusi nituenean agobiatu egin nintzen". Horiei guztiei erantzungo diela esan du, baina horretarako ere denbora behar du: "Astelehenean, lau orduz aritu nintzen mezuak erantzuten".

Poztasunari eutsita, lanean jarraitzeko momentua du orain. Dagoeneko baditu beste zenbait proiektu esku artean, eta horiekin lanean ari da, buru-belarri.

Errementari euskarazko filmaren grabaketak amaitu dituzte, eta bertan lanean aritu da Heras, Eneko Sagardoirekin batera. 

Uneotan, Hugo Stuven zuzendariaren Solo filmaren ekoizpen osteko lanetan ari da, baita Koldo Serra eta Pako Plaza zinemagileekin lanak grabatzen ere. 

Bigarren Goya bat eskuratu nahi du Herasek, eta horren bila  lanean jarraituko du. Ibilbide oparoa du zinemagintzan; pasioz ekiten dion lanbideari, eta ez dio bere buruari mugarik jartzen nahi duena lortzeko. 

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
MAIDER
Zorionak maitia, 11 muxu pottolo gurasoen partetik. Maite zaitugu.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48