Cristina Cabello: "Hitz egiteko lotsa ari naiz galtzen 'Solaskide'-rekin"
Lau urte eman ditu 'Solaskide' programan, eta euskaraz hitz egiteko konfiantza irabazteaz gainera, lagun onak ere egin ditu. Gustora joaten da ostegunero saioetara

Laugarren urtea du Cristina Cabellok Solaskide programan. Burgosekoa da bera, eta orain dela hamabost urte iritsi zen Lasarte-Oriara. Orain zazpi bat urte pausoa eman zuen, eta  euskara ikasten hasi zen. "Erabaki nuen hemen geratuko nintzela, eta jendearekin hitz egiteko eta lana aurkitzeko euskaraz ikasi nahi nuen". 

Nolakoa izan da zure azken lau urteetako esperientzia Solaskide programan? 

Oso ona. Solaskideri esker jariotasun asko irabazi dut. Euskara ikastean beti gehien kostatu izan zaitena da ahozkoa, eta, batez ere, bat-bateko elkarrizketa. Gauzak aldez aurretik prestatu ditzazket, baina bat-bateko elkarrizketa oso zaila egiten zait. Nire Solaskide taldearekin  oso ondo moldatzen naiz, eta asko laguntzen dit lotsa kentzen. 

Hori al da zailena zuretzat, euskara hitz egiteko lotsa galtzea? 

Bai. Nik badakit pertsona jakin batzuekin euskaraz hitz egin behar dudala. Baina gero kalean  ezin dut. Ezinezkoa egiten zait ogia euskaraz erostea. Solaskiderekin hitz egiteko ohitura hartzen ari naiz, eta pixkanaka-pixkanaka beldur hori ari naiz galtzen.

Nola dira Solaskide saioak? Zer egiten duzue?   

Lau lagun gara, eta astero elkartzen gara Ttakun-Enean, ostegunetan normalean. Euskara hitz egin bitartean kafetxo bat edo freskagarri bat hartzen dugu. Batzuetan ere aprobetxatzen dugu eta pintxo-potera joaten gara. Kideak oso atseginak dira, oso jatorrak, eta harreman ona egin dugu. Oso gustora nago ni. 

Zertaz hitz egiten duzue?

Denetatik. Normalean bakoitzak kontatzen du zer egingo duen asteburuan. Eta denon artean plan berriak ezagutzen ditugu. 

Lau lagun zarete, eta euskaldu zahar bat duzue taldean, ezta? 

Bai. Asun euskaldun zaharra da. Beti moldatzen da, eta ostegun batean ezin badugu, beste egun batean elkartzeko proposatzen du. 

Irakasle lanak egiten al ditu berak? 

Ez, ez, ez. Hitz egin besterik ez dugu egiten. Ikasteko, euskaltegira noa. Nik solaskideekin bilatzen dudana da jariotasuna hobetzea, eta beldurra kentzea. Badakit haiekin hitz egitean akats asko egiten ditudala, baina helburua ez da zuzentzea, hitz egitea baizik. Zuzentzeko irakaslea badut euskaltegian. Galdera bat egiten badiogu, zalantzak argitzen dizkigu, baina ez ditu irakasle lanak egiten.  

Osagarriak dira, beraz, euskaltegia eta Solaskide programa? 

Niretzako hala da. Euskaltegian asko hitz egiten dugu, baina Solaskidek asko laguntzen du ausartzeko. 

Giroa ere desberdina izango da, ezta? Eskoletara joatea baino hobe izango da lagunekin kafe bat hartzea. 

Bai. Ez dira eskolak. Orain, nire solaskideak lagunak ere badira. Hain zuzen, oso gustora joaten naiz eskolak ez direlako. Adibidez, uda honetan Asun Burgosera joan zen, eta deitu egin zidan jakiteko nora joan behar zuen turismo egitera.

Zure inguruan ba al duzu aukerarik euskaraz hitz egiteko? 

Bai, aukera badut, baina asko kostatzen zait. Lagun asko dauzkat euskaraz dakitenak. Baina bakarrik Solaskiden erabiltzen dut euskara, asko kostatzen zaitelako. Badakit txipa aldatu beharra dudala. Horretan laguntzen dit Solaskidek; gero eta jende gehiagorekin hitz egiten dut euskara. Talde askotan egon naiz, eta jende asko ezagutu dut horri esker; guztiekin kalean euskaraz hitz egiten dut. Gero eta aukera gehiago dauzkat euskaraz hitz egiteko. 

Zer esango zenioke Solaskiden hasteko zalantzan dagoen pertsona bati?  

Hasieran zalantzak izaten dira, ez dakizulako zer jenderekin egingo duzun topo. Baina oso atseginak dira denak; haien denbora eskaintzen dute zuk euskara ikasi dezazun. Oso hurbileko harremana lortzen da. 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Acha-Orbea ( Igandea)
Hipodromo etorbidea 6
Tel: 943 363549
ASTEA
    • Urbistondo ( Astelehena )
      San Frantzisko 1
      943 366567
    • Gil ( Asteartea )
      Kale Nagusia 24
      943 361529
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      IƱigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48