Andrea Martin: "Ausart sentitu nintzen; pentsatu gabe irten ginen arraun egitera"
Kontxako Bandera hobea egitea espero zuen Andrea Martinek, baina oso pozik dago urte guztiko lanaren ondorioz lortutako emaitzarekin. Igandekoa lehen aldia zuen itsaso zakarrean

Orain hiru urte itsasoratu zen lehenengoz traineru batean  Andrea Martin (Avila, Espainia, 1981) arraunlaria. Orduz geroztik, gogor entrenatuz eta eguneroko bizitzarekin uztartuz, goi mailan lehiatzera iritsi da.  Ez zen saiorik errazena izan igandekoa Orioko arraunlariarentzat, ezta bere taldearentzat ere; itsasoa zakar egon zen oso, eta horrek ondorioak izan bazituen ere, balorazio positiboa eginaz amaitu dute denboraldia Hirugarren gelditu dira ligan, eta bosgarren Kontxan.  

Avilan jaioa zara. Nola sortu zitzaizun arraunean aritzeko gogoa?

Euskal Herrira iritsi nintzenean, Zumaian egon nintzen bizitzen. Bertan ikusi nituen emakume eta gizonak arraunean, eta jakin mina piztu zitzaidan. Olarru Egun bat iritsi, eta batel proban parte hartzeko aukera izan nuen. Ordutik, arraunarekin kontaktuan jartzeko gogoa sentitu nuen.

Lasarte-Oriara etorri nintzen gero, eta nire bikotekidea Orio arraun elkarteko zale amorratua da. Nire gogoei bere animoak gehituta, arraun elkartera joan eta arraun egiteko zer egin nezakeen galdetu nuen. Kirolik egiten nuen galdetu zidaten, eta korrika ibiltzen nintzen orduan. Orduko entrenatzaileak froga bat egin zidan, eta aurrera jarraitzeko aukera eman zidaten.

Baina une horretan ezin izan zenuen Orion aritu. 

Ez. Urte horretan jende gehiegi zegoen Orion, eta Hibaikan arraunlariak behar zituztenez, bertan egin nuen denboraldia. 

Handik urtebetera, berriz, Hibakan hasi nuen denboraldia, baina entrenatzaile aldaketa egon zen Orion; Santi Zabaleta sartu zen elkartean, eta Oriora aldatu nintzen. Ni bezalako hasiberri batentzat oso irakasle ona izan da; esperientzia handia du, eta  izugarri ikasi dut berarekin.

Senitarteko eta lagunek zer diote?

Erotuta nagoela esaten didate. Arraunari eskaini beharreko denbora medio, ezin dut herrira, senitartekoak ezta lagunak bisitatzera joan ere. Eurak etortzen dira ni hona bisitatzera. Gogorra da familiarentzako, mugatuta nago eurekin edozer egiteko. Pazientzia handia eduki behar da. 

Eliteko kirolaria izanda, zaila izango da kirola eta bizitza pertsonala uztartzea, ezta? 

Bai, nahiko zaila. Bizitza soziala ere desagertu egiten da, beste erritmo batean bizi gara, eta jendea aspertu egiten da horrekin, ezin dute erritmo horretara egokitu; arraunean hasi nintzenetik, ni egokitu behar izan naiz ingurukoen egunerokora.

Nik ingurukoekiko laguntza eta babes handia dudalako moldatzen naiz hain ondo, baina hori gabe, ezinezkoa litzateke. 

Arraunetik zerk erakartzen zaitu gehien?

Arrauna egitea asko gustatzen zait, baina talde guztia batera, helburu berdinaren bila elkarrekin joatea da gehien gustatzen zaidana. Azken finean, helburu berbera bat lortzeko elkarrekin egiten dugu lan, denok batera, erabat sinkronizatuta gaude, eta hori oso polita da.

Igandeko itsasora ateratzeko inoiz baino beharrezkoa izango zen talde lana, ezta? 

Bai, hala da. Igandeko itsaso zakarraren aurrean, denok elkarrekin batera egin behar izan genien aurre olatuei; babestuta sentitzen zara. Hamalau goaz, baina bat izango bagina bezala. Talde sentimendua oso polita da. Aurten oso talde polita izan dugu, eta gogorra izan arren, jarraitzeko indarra ematen du. Denak helburu berberaren bila joango ez bagina, ez luke zentzurik izango.  

Bigarren aldia da Kontxako Banderan lehiatzen duzula?

Lehengo urtean, Kontxako Bandera jokatzeko sailkapenean parte hartu nuen bakarrik. Aurten, ordea, Kontxako Banderaren bi igandeetan egin dut arraun.  

Eta zein sentsazio izan dituzu? 

Izan nitzakeen sentsazio guztiak izan ditut, baina, batez ere, itsasoarekiko errespetu handia sentitu dut. Itsaso zakarrera ateratzen nintzen lehen aldia zen; entrenamenduetan, itsasoa oso zakar dagoenean, ez gara itsasoratzen. Igandeko egoeraren aurrean, ez nekien zer sentitu ahal izango nuen. 

Zer suposatzen du zuretzat Kontxako Banderan lehiatzeak?

Arraunlari batek parte har dezakeen arraun probarik handiena da Kontxako bandera. Azken finean, Kontxako Banderan arraun egiteko aukera izateak, urte guztiko lana ondo egin duzula esan nahi du, entrenatzaileak finkatutako helburuetara heldu zara, eta urte guztiko lanaren trukean jaso daitekeen saririk onena da. 

Denok oroituko dugu aurtengo Donostiako lehia bigarren igandeagatik. Nola bizi izan zenuen? 

Urduritasun handiz. Ez genekien arraun egin ahal izango genuen edo ez. Gogoratzen dut taldeko furgoneta barruan zain egon ginela, lehiaketa mantenduko zela jakinarazi ziguten arte; janzteko eta itsasoratzeko agindua eman ziguten arte. Urduritasun handiz bizitzen dira une horiek, kontzentrazioa ere beharrezkoa da probaren aurretik, eta igandeko egoerak hori zertxobait zaildu zuen.  

Eta lehia mantenduko zela baieztatu zuten unean?  

Ausart sentitu nintzen. Egoeran gehiago pentsatu gabe atera ginen arraun egitera. Inork ez zuen planteatu ere egin zegoen itsaso zakarrarekin ez zuela arraunik egin nahi. Izan genitzazkeen ondorio guztiekin atera ginen arraun egitera. 

Ontziak nola prestatzen dira ur zakarrerako?

Itsaso barearekin arraun egiten dugunean jartzen ez zaizkion gehigarri guztiak jartzen zaizkio horrelako itsaso zakarrarekin. Azken finean, ura traineruan sartzea ekiditeko gehigarriak dira; olatuek horien aurka jotzen dute, eta itsasontzian sartzea ekiditen dute.

Nola aldatzen da  arraun egiteko modua itsaso zakarrarekin?

Itsaso barearekin har daitekeen azkartasuna ezin daiteke hartu itsaso zakarrarekin. Itsasoak ez du onartzen 30 paladatik gora hartzea. Itsaso ona dagoenean, berriz, 36 palada hartzen ditugu normalean. Arraunaldia ere oso ondo amaitu behar da, teknika eta kontzentrazio  handiagoa eskatzen du itsaso zakarrak.

 

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
IMANOL
Zorionak. Ritxar, Begoña, Patxi, Itziar, Pablo eta Maiteren partez.
AZKEN PDFa
1434 ( Irailak 21 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48