Zerbitzua ez betetzea egotzi diote San Markori
Udalak mankomunitateari leporatu dio kontratua "behar bezala" ez betetzea. Uztailetik hondakin guztien bilketaren ardura du San Markok, baina gabeziak salatu ditu alkateak. Herritar batzuen "heziketa falta" ere kritikatu du, altzariak behar ez denean uzteagatik

Hondakinen bilketan azken hilabeteetan Lasarte-Orian egon diren arazoak azaldu ditu prentsaurrekoan Jesus Zaballos alkateak, eta errudunak zeintzuk diren seinalatu: San Marko Mankomunitatea. Izan ere, uztailetik aurrera mankomunitateak hartu du errefuxaren bilketaren ardura. Lehendik gaikako bilketa ere egiten zuen. Bada, alkateak salatu du udatik aurrera bilketa ez dela "behar bezala" egin. Hainbat bilera izan dituzte San Markoko ordezkariekin, baina arazoa konpondu ez denez, Agustin Valdivia zinegotziak eta udalak mankomunitatean duen ordezkarietako batek kexa formala jarri du. 

Horrez gainera, "beste faktoreei" ere egotzi diete udalerriko hainbat puntutan zaborrontziak gainezka egotea. "Heziketa arazoa dago". Izan ere, alkatearen esanetan, batzuek egokitzen ez denean uzten dituzte altzariak eta tamaina handiko hondakinak zaborrontzian. Berez, asteazken arratsaldean utzi behar dira, ostegun goizean jasotzen dituztelako. Eskualdeko puntu garbietan uzteko aukera ere badago. "Ez dugu zigortzen hasi nahi, baina jendeak araua errespetatzeko ezinbestekoa bada, isunak jarri beharko ditugu", ohartarazi du Zaballosek.

"Beste faktoreak" 

Azkenik, etxegabe batzuen jarrera ere kritikatu du alkateak. "Kolektibo batek, haien egoera gordina dela eta, zaborretan arakatzen du erabilgarria zaion zerbaiten bila. Arazoa da zabor poltsak hartu, ireki, eta behar ez dutena kanpoan botata uzten dutela". 

Edonola ere, arazo nagusia da San Markok eskaintzen duen zerbitzuaren gabezia, udalaren arabera. "Hiru hilabete daramatzagu haiekin, eta ez gaude batere gustora zerbitzuarekin". Valdiviak irailaren 28an izan zuen batzarra mankomunitatean, eta bertan plazaratu zituen udalaren kexak. Argazkiak ere erakutsi ditu. Horiek erakusten dute abuztuan Oria etorbideko egoera. "Egunetik egunera zabor gehiago zegoen, eta nahiz eta deitu genien jaso zezaten, hilabete osoan ez ziren pasa". 

San Markorekin bilerak

Udalak aurreikusi du zergetan hobariak eskaintzea organikoa birziklatzeagatik, baina horretarako nahi du zaborrontzien egoera hobetu. Eskaeren artean, bilketaren maiztasuna handitzeko eskatu dio mankomunitateari. "San Markon egon nahi dugu, baina zerbitzua ez badu betetzen, ez luke zentzurik jarraitzeak".

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ZURIÑE
Zuriñe, ondo pasa igandean zure 12. urtebetetzean. Muxuak!!
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48