Bederatzi kale emanaldi izango dira uztailean Lasarte-Orian. Maite Iglesia Kultur zinegotziak eta Juantxi Ugarte kultura teknikariak ekintzen berri eman dute.

Okendo Zinema taldeak emango dio hasiera udako egitarauari. Okendo plazan bi zinema saioz gozatu ahalko da. Ostegun honetan, uztailaren 5ean, Sing Street filma ikusi ahalko da. Uztailaren 19an, berriz, La Tortuga Roja izango da. Saioak 22:15ean hasiko dira. Eguraldi txarra eginez gero, Elizatzeko estalpean eskainiko dira filmak.

Adin guztiei zuzendutako antzerkiak ere eskainiko dira Okendo plazan. Uztailaren 6an, ostirala, 19:00etan, Hortzmuga taldeak Jule lana antzeztuko du. Uztailaren 12an, osteguna, berriz, Babo Royal ikuskizuna  ikusteko aukera izango da Ganso&Ciari esker. Hurrengo egunean, Eidabe taldeak Txapela buruan eta dantza munduan lana eskainiko du, 18:00etan. Kalea antzerkia bultzatuz ekimeneko ekintza hauek Eusko  Jaurlaritzak lagundutakoak dira.

Dantzak ere izango du bere tartea. Sagartu ikuskizuna eskainiko dute HIka Teatro eta Oinkari dantza taldeek uztailaren 20an, 19:00etan. Emanaldia Lasarte-Oria dantzan ekimenaren barruan dago.

Udal ordezkariek eguraldia lagun izatea espero dute eta ekintza guztiak aurrera eramaten saiatuko direla aipatu dute agerraldian.

Honez gain, uztailaren 26an, Santa Ana eguna ospatuko da. Ttakun kultur elkarteak antolatzen duen egun honi amaiera emateko, parodia umoretsua eskainiko da.

Ospakizun horrekin lotuta,  XXXIV. Santa Ana azoka antolatuko da uztailaren 22an, igandea. Urtero legez, Sendoki taldeak artisau lanen erakusketa egingo du eta bi tailer izango direla aurreratu dute: bata nylon lanak eta bestea uraren bidez imprimatzea.

Bestetik, Karmengo Amaren egunean, uztailaren 16ean, Oriako jaiak egingo dira eta uztailaren 29tik 31era, San Inazioetako egitaraua antolatu dute Basaundi Bailaran.

Azkenik, ezin dira ahaztu larunbatero auzoz auzo egingo diren ipuin kontalari eta tailerrak.

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
UNAX
Zorionak Unax!!! Ze zoriontsu egin gaituzun bederatzi urte hauetan, asko maite zaitugu! Aita, ama, Oier eta Maddi.
AZKEN PDFa
1434 ( Irailak 21 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48