Urriaren 6a: zonbiak Lasarte-Oriara itzuli zirenekoa
800 pertsonak parte hartu dute Survival Zombie jokoaren bigarren edizioan. Euria ez da oztopo izan, eta Gaueko iluntasunaren jaunak herriko kaleak hartu ditu, zonbi gudarostea bidaliz

Errepikatu egin da amesgaiztoa. Gaueko iluntasunaren jaunak Lasarte-Oria inbaditu zuen iaz: ehunka zonbiz osatutako gudarostea ekarri zuen. Izua pasa zuten lasarteoriatarrek, batzuek ordura arteko bizimodua galdu eta zonbi bilakatu ziren... Herria odolez zipriztindu zuten hilen artetik etorriek. Bazirudien behin etortzearekin aski zutela, baina bueltatu egin dira. Kaleak hartu dituzte berriro. Ezkutatu egin da ilargia. Urriaren 5a: zonbiak Lasarte-Oriara itzuli zirenekoa.

Irakurleren bat honezkero izutu bada, egon dadila lasai: fikzioa da dena. Joko bat. Survival Zombie du izena, eta bigarrenez egin dute Lasarte-Orian. WRG World Real Games enpresak errepikatu egin du abentura, iazko arrakasta ikusita. Moldaketa batzuk egin ditu, hori bai: sei ordu iraun ditu jokoak, eta informazio eta makillaje gunea Loidibarren pilotalekuan jarri dute. Parte-hartzaileek egin beharrekoa ez da aldatu. Zonbien atzaparretan erori gabe, proba-sorta bat gainditu behar izan dute, eta goizeko bostetara onik iristen saiatu. Lortu du bat baino gehiagok; bidean geratu dira beste batzuk.

800 parte-hartzaile

Iaz baino jende gutxiagok parte hartu du Survival Zombie jokoan. 800 pertsona apuntatu dira, antolatzaileen datuen arabera. Atzoko eguraldi petralak ez zuen lagundu, egia esan. Gainera, Lasarte-Oriaz gain, beste bi herritan ere jokatu zuten atzo. Beraz, zonbie saldoa 2017an baino txikiagoa izan zen, eta, jokoa, erakargarriagoa. Dena den, goizeko bostak arte hara eta hona ibili ziren parte-hartzaileek primeran pasa zuten munstroengandik ihes egiten eta puntu desberdinetako probak osatzen. Gidoilariek irekita utzi dute istorioa, badaezpada ere: baliteke datorren urtean zonbiak berriro bisitan etortzea.

Euskal Herri osotik etorri da jendea, baina lasarteoriatarrak dira edizio honen irabazleak: Richard Marcos, Ivan Marcos, Cesar Barreiro, Ander Aranburu, Juan Luis de la Mata eta Santi Calahorra.

Argazki galeria

ARGAZKIAK
blog comments powered by Disqus
OHARRAK
  • Xumela koruko entseguak
    Xumela koruak hasi du ikasturte berria. Euskaraz eta ongi pasatuz kantatu nahi duen guztiak ateak zabalik ditu astelehenero 19:30etatik 20:30etara.
  • Tabernei deialdia Euskal Jaietan
    Azaroaren 10ean izango dira Euskal Jaiak. Herriko taberna guztiak gonbidatzen ditu Euskal Jaien Lantaldeak festa eguneko egitarauan parte hartzera. Alde batetik, pintxo-potea eginez. Bestetik, gaua girotzeko ekitaldi bereziak antolatuz, betiere Euskal Jaien ezaugarriak kontuan hartuta.
ZORION AGURRAK
IRATI
Zorionak eta muxu asko zuretzat, famili guztiaren partez.
AZKEN PDFa
1437 ( Urriak 19 )
GUARDIAKO FARMAZIAK
Gil ( Igandea)
Kale Nagusia 24
Tel: 943 361529
ASTEA
    • De Miguel ( Astelehena )
      Kale Nagusia 32
      943 371151
    • Acha-Orbea ( Asteartea )
      Hipodromo etorbidea 6
      943 363549
    • Urbistondo ( Asteazkena )
      San Frantzisko 1
      943 366567
    • Gandarias-Uribe ( Osteguna )
      Iñigo de Loyola 9
      943 019521
    • Orue ( Ostirala )
      Jaizkibel plaza 2
      943 362652
    • Lasa ( Larunbata )
      Kale Nagusia 42 atzea
      943 361774
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48