Udal kiroldegiko bazkideek deskontuak izaten jarraituko dute herriko zenbait kirol elkartetan
Bigarren urtez lankidetza hitzarmena sinatu dute Lasarte-Oriako Udalak eta herriko kirol elkartek. Lehen urteko emaitzak hobetzeko asmoz heldu diote elkarlanari, eta irailetik aurrera jarriko da martxan

Lasarteorrek kiroldegiko bazkide izateagatik abantaila  batzuk izango dituzte gainerako kirol elkarteetan, irailetik aurrera. Udako atsedenaldiaren ostean, kirol jarduerari heldu, eta "sedentarismoari" aurre hartzeko helburuarekin sinatu dute, bigarrenez, lankidetza. Aurkeztu berri dute 2018-2019 ikasturterako eskaintza.Horrela, udal kiroldegitik kanpo eskaintzen diren kirol diziplina eta saioetan parte hartzeko aukera izango dute.

Yogalasarte zentroak %20 merkatuko ditu yoga klaseak.  Astelehen eta asteazkenetan 9:30etik 11:00era eskainiko dituzte saioak, eta astearte eta ostegunetan, berriz, 20:30etik 22:00tara. 

Saito gimnasioak ere eskaintza berezia egingo die kiroldegiko bazkideei. Zentroko tarifaren gainean %25eko deskontua izango dute bezeroek. Honako eskaintza egin dute hauek: astelehenetik ostiralera 11:00etatik 17:00tara sìnninga, aerobika, stepa, zunbA, kangooa, jumping fitness, muskulazioa eta monitoreek aholkatutako entrenamenduak. 

Zaldi gainean ibiltzen ikasteko aukera ere izango dute lasarteoriatarrek. Hastapen saioak eskainiko dituzte arduradunek, %15eko beherapena eskainiz. Hamar hastapen saio izango dira, astelehenetik ostiralera. 

Koroibos Crosdfit zentruak 135 euroan eskainiko du hiruhileko bonua. Interesa dutenek astearte eta ostegunetan 7:00etik 8:00tara eta 16:30 etik 17:30era joateko aukera izango dute, baita astelehen eta asteazkenetan, 11:00etatik 12:00etara eta 13:15etik 14:15erako ordutegian ere.

Elkarlan hitzarmenaren bidez udalak konpromisoa hartzen du kirol elkarteei instalazioak puntualki eta dohainik uzteko. Horrekin batera, kirol elkarteek euren jarduerak egiteko udalaren laguntza izango dute.

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1434 ( Irailak 21 )
GUARDIAKO FARMAZIAK
Gil ( Ostirala)
Kale Nagusia 24
Tel: 943 361529
ASTEA
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48