'Zapataria eta iratxoak', 'Barbantxo' edota 'Urretxindorra' bezalako ipuinak ikusi eta entzun zituzten atzo arratsaldean Manuel Lekuona kultur etxera gerturatu ziren gaztetxoek. Ipuin kontalariak ez ziren nolanahikoak izan: bi txotxongilo arduratu ziren horretaz. Eurek ere badakitelako istorioak kontatzen.
Reyes Moleres eta Leyre Ucha aktoreek mugitu zituzten hariak, hainbat teknika erabiliz: 'Bunraku', Itzalak, Objektuak eta Abestiak. Teknika horiek denak uztartuz, ikuskizun dibertigarri, arin eta gustagarria taularatu zuen atzokoan Gorakada Teatro taldeak.