Txiki geratu da Azkorte
Eguraldi ezin hobea lagun, hainbat herritar igo dira Azkorteko ermitara, maiatzeko lehen igandeko erromeriaz gozatzera. Mezak, erromeriak, musikak, dantzak eta herri kirolekin, egitarau erakargarria prestatu du Ttakun KEk

Ohetik altxa, pertsiana igo, kortina kendu eta hara: eguraldi paregabea. Hainbat plan egiteko aukera ezin aproposagoa. Esaterako, mendira joateko. Hala egin dute hainbat lasarteoriatarrek: maiatzeko aurreneko igandeko erromeriaz gozatzera joan dira Azkorteko ermitara. Gehienak, oinez, botak jantzi eta makilak eskuetan. Adineko pertsona ugari joan dira baita ere, autobusez. Txiki geratu da Azkorteko ermita gaur goizean.

Hasteko, fededunek ermita bete dute, meza entzuteko. Ondoren, hamaiketakoa egitera atera dira: Ttakun KEren postuan, sagardo freskoa, txorizo eta haragi egosi pintxoak, txokolatea...ez zen ezer falta. Biyak Bat adinekoen egoitzako kideek ere jarri dute postu bat: patata tortilla ogitartekoak eta freskagarriak banatu dituzte. 

Indarrak hartu eta gero, abesteko eta dantzatzeko ordua, Ttirriki-Ttarrakako musikarien eskutik. Eta, ondoren, goizeko ekitaldi nagusia: herri-kirolak. Mugertza anaiak aritu dira batetik, aizkorarekin. Harrijasotzaileak ere egon dira presente: Izeta IV.a (Hodei Iruretagoiena) eta Mikel Lopetegi Urra, 21 urteko promesa gaztea. Hainbat proba egin dituzte: Ugaitz eta Aratz Mugertza anaiek enbor bana moztu behar izan dute, ahalik eta aizkorakada gutxien emanez. Zaharrak (Ugaitzek) irabazi du: 55 aizkorakada behar izan ditu. Anaia gazteak, bat gehiago. Harrijasotzaileek pisu desberdinetako harriak altxa dituzte, behin eta berriro. Erronkarik erakargarriena azkena izan da: bi talde osatu dituzte kirolariek: zaharrak gazteen aurka. Ehun kiloko bola bosna aldiz altxa behar izan dute harrijasotzaileek, eta enborrak mozten hasi dira gero aizkolariak. Horrela jardun dute hainbat minutuz, aizkorak eta harriak utzi eta trontzak mozteko zerrak hartu bitartean. Zaharrek lehenago bukatu dituzte euren lanak, eta abantaila polita hartu dute trontzarako. Gazteak gogotik saiatu dira, baina ezin izan dute zaharrak baino lehenago bukatu. Urtzi Telleriak egin ditu aurkezle lanak. Kirolariei animoak emateko eskatzeko erabili du mikrofonoa, batez ere.

Herri-kirolen erakustaldia bukatu eta gero, Ttirriki Ttarrakako kideak igo dira berriro oholtzara, eta erromeria girotu dute berriro ere. Bat baino gehiago animatu da dantza egitera, giro ederrean. Biribila izan da aurtengo erromeria; ezin zen gehiago eskatu. Askotan huts egiten duen elementuak, eguraldiak, lagundu du gaurkoan ere. Eta guztiek eskertu dute.

Argazki galeria

ARGAZKIAK
BIDEOAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ODEI
Zorionak Odei. Muxu pila bat familia guztiaren partez. Asko maite zaitugu!!
AZKEN PDFa
1444 ( Abenduak 14 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48