Solano eta Eizmendi, bertsotan Buruntzaldeko txapeldun
Lasarte-Oriako Bertso Eskolako 40 bat gazte izan dira Gipuzkoako Eskolarteko Idatzizko Bertsolari Txapelketan

Lasarte-Orian badago bertsotarako zaletasuna; egun badaude bertsolari prestatuak, baina etorkizunak ere itxura ona du. Hori ikusi da aste honetan Hernanin jokatu den Gipuzkoako Eskolarteko Idatzizko Bertsolari Txapelketan. Herriko Bertso Eskolako 40 bat gaztek parte hartu dute, eta horietako bi gailendu dira Buruntzaldeko lehiaketan: Nora Solano eta Maitane Eizmendi. 

Ordubeteko tartea izan dute bertsoak idazteko, eta gero oholtza gainera igo dira kantatzera. Unai Gaztelumendi bertsolariaren eskutik jaso du saria Solanok. Eizmendiri, berriz, Unai Mendizabalek eman dio. 

Harrobia zaintzen arduratzen da Bertso Eskolan Ane Labaka. Hark ere jaso du aste honetan sari berezi bat; Bertsolaritzan garatutako umorea(k), genero ikuspegitik master bukaerako ikerketagatik Maria Goyri saria eman dio Euskal Herriko Unibertsitateak. Asteazken goizean Gazteizko EHUko Letren Fakultateko areto nagusian jaso zuen aitortza. Unibertsitate publikoak Emakumeen Nazioarteko Egunaren inguruan antolatutako jardueretako bat izan da.

Labakak Gizarte Antropologikoko masterreko azken proiektu bezala garatu du ikerketa. Jone Miren Hernandez herritarra izan du tutore. "Batetik, genero sistemak kulturan erabiltzen den umorea markatzen duela aztertu dut. Bestetik, emakumeek ezarritako sistema horri aurre egiteko, bertsolaritzan umorea erabiltzen dutela", esan du Labakak. 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
MAITE
Zorionak zure urtebetetzean, oso ondo pasa dezazula. Zure semeak eta senarrak bazkari on batera gonbidatuko zaituzte.
AZKEN PDFa
1444 ( Abenduak 14 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Orue ( Asteazkena )
      Jaizkibel plaza 2
      943 362652
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48