Zabaletako jai indartsuak joan ziren, eta sanpedroak badatoz. Eta pozik nago! Su Ta Gar, La Basu, bertsolariak, Sorgin Jaiak, kantu-jira, afariak... eta alaitasun partekatua! Pozik nago jaietan...eta pozik urte osoan. Izan ere, inguruetako herrietako bizilagunek diotenez, Lasarte- Orian beti dago jai giroa, beti dago "zerbait". Azken urteotan asko aldatu omen da gure herria; euskara gehiago entzuten da kalean, indartsu sumatzen dute bertako auzolana; behetik gora goaz... Eta egia da hori dena. Azken urteotan, lasarteoriarrei esker ekimen berri pila jaio dira, eta aurretik ginena osatu dute; bertsolaritza, Jalgune, antzerkia, dantza garaikidea eta plaza dantzak, korua, batukada, Literatur Txokoa, ipar martxa... Honetaz guztiaz gain, mugimendu feminista, pentsiodunak, Gure Esku Dago ekimena, Altsasu... Denetarik dugu, eta asko eta asko euskaraz! 
Euskal Herria sudur gorriarekin zeharkatzen dugunean, harro hitz egiten dugu Lasarte-Oriaz; nola "han'" edo "hemen" jaiota, gai izan garen elkarrekin pausoak ematen, nola "batekoak" eta "bestekoak" euskara erdigunean jartzeko gai izan garen... Hor dira ere Euskara Zerbitzua, ikastetxeak, euskaltegiak, herri ekimenarekin batera lan eginez... Eta nola ez, Ttakun Kultur Elkartearen lana azpimarratu behar dut, eta honek dinamizatutako kultur jarduerak, Maratoiak, txintxarri, Mintzalagun, Faktoria, Kuadrillategi, Gazte Kluba, txokoak... 
Baina Lasarte-Oriako ahobiziak eta belarriprestak Euskal Herri osora zabaldu diren honetan, Euskaraldiaren atarian... sudurgorriok ez dakigu nola azaldu gure herriko udal agintariak azken aldi honetan hartzen ari diren erabaki ulertezinak. Nola azaldu gure mugetatik kanpo erreferentea den Ttakunek sortutako udako txokoak honi kendu eta merkeago (eta eskaxago) eskainiko dituen  enpresa bati ematea? Nola ulertu herrigintzarekin egunerokotasunean bustitzen den elkartea baztertzea? Muxutruk, ilusioz, isilean... lana egitea tokatzen denean, nork aterako ditu babak eltzetik? "Herria da gorputza, hizkuntza, bihotza!", eta gure agintariek, hara, ez buru eta ez hanka! 
Hala ere, goza ditzagun jaiak, goza dezagun udara, pozik egoteko moduko herria dugulako! Espero dezagun halakorik berriz ez gertatzea. Eta etorkizunari begira jarrita, elkartu, hausnarketa egin, mahai baten bueltan eseri, hitz egin, adostu eta behetik gora honaino ekarri gaituen elkarlanari berriz bide eman.
Txiiiiissspuuuun, gora San Pedro! Eta gora LasarteOria alaia eta euskalduna!

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
UNAX
Zorionak Unax!!! Ze zoriontsu egin gaituzun bederatzi urte hauetan, asko maite zaitugu! Aita, ama, Oier eta Maddi.
AZKEN PDFa
1434 ( Irailak 21 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48