Manuel Lekuonan berriro ere opera denboraldia hasi da. Asteazkenean Giuseppe Verdi musikagile handiaren Rigoletto operaren proiekzio digitalaz gozatu dute areto nagusian bildu ziren herritarrek.
Royal Opera Houseko abeslari eta musikarien lan honen hasieran, operari buruzko azalpen batzuk eskaini dituzte, ikusleek opera hobeto uler dezaten.
Rigoletto lana Victo Hugoren Le Roi s'amuse antzezlanean oinarritua dago eta 1851ko martxoaren 11an estreinatu zen Veneziako La Fenice antzokian. Pasio, engainu, intzestu eta mendekuari buruzko drama bat da.