Herritarrek parte hartzeko jardunaldia antolatu du Hitzartuk datorren larunbaterako, maiatzak 5, Landaberri ikastolan. Egun osorako ekitaldia da, baina nahi den denboran egon ahalko du bakoitzak. Bazkaria ere prestatuko dute, hiru eurotara, baina horretarako beharrezkoa da komunikazioa@gurasos.org postan izena ematea.
10:15ean harrera batekin hasiko da ekimena. Horren ostean, 10:30ean, irekiera eta agenda osatuko dira; eta 11:45etik 14:00tara adin guztietarako gune irekiko solasaldiak egingo dira.
Bazkaldu ostean, 15:30etik 16:30era berriz ere solasaldiak zabalduko dira, eta 17:00etan itxiko da jardunaldia, jaialdi batekin.