Parkeen mantentze lanak eta autobusak, batzarrera
Asteartean udalbatza batuko da herriko gaiei buruz eztabaidatzeko. Gai-zerrendan EH Bilduk eta EAJk egindako eskaerak aztertuko dituzte: autobus zerbitzuaren murrizketak, Katalunia eta haur parkeen eta kirol guneen mantentze lanak

Foru Aldundiak autobus zerbitzuetako kontzesioa berritzeko aurreproiektua argitaratu zuenetik, bolo-bolo dabil jendartean gaia. Txosten horretan planteatzen diren zerbitzuen murrizketek kezka sortu dute, eta Lasarte-Oriako EH Bilduk mozioa aurkeztuko du datorren astearteko udalbatzarrean. 

Pablo Barrio eta Kristina Bernal alderdikideek aurreproiektua bertan behera uzteko eskatu dute. "Aldizkari ofizialean argitaratu zenean izan genuen aurreproiektuaren berri, ez zuten eragileekin elkarlanik egin, eta,  gure ustez, hori beharrezkoa da", azaldu du Barriok.

Horrekin batera, bigarren mozio bat ere aurkeztuko dute; horretan, Kataluniako Errepublika Independentea aitortzeko eskatuko diote udal taldeari.

Mantentze lanak
Jon Antxordoki EAJko zinegotziak, berriz, haur parke eta kirol guneen mantenua hobetzeko eskaera azaldu du asteazkenean egindako agerraldian.

"2011-2015 legealdian, alderdi sozialistak oposizioan behin eta berriz galdetzen zuen parkeen mantentze lanei buruz. Gaur, 2017ko azaroan, gero eta kexa gehiago jasotzen ari gara". Antxordokiren hitzetan, Uzturre plazan ezarriko diren kirol anitzeko pista eta 3. adinekoentzako kirola egiteko makinak kontuan izanik, "gutxienez, hogei haur parke zein kirol gune"  dira udal brigadak mantendu behar dituenak Lasarte-Orian.

Udal brigadak duen lan kargaz jakitun, EAJk eskatuko du gune horien mapa egitea, eta 2018ko udal aurrekontuetan mantentze lanei aurre egiteko kanpo zerbitzua kontratatzeko diru partida aurreikustea. 

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48