Musika eta Eguberrietako ekintzak, kultura agendan
Musika, zinea, Jalguneren jaialdia, diaporama historikoa eta Eguberrietako ekintzak izango dira nagusi abenduko kultur agendan. Maite Iglesias Kultura zinegotziak eta Iker Tolosa Manuel Lekuonako kudeatzaile berriak aurkeztu dute egitarau oparoa

Okendo Zinema taldeak gidatzen duen zine forumak emango dio hasiera hilabeteari. Abenduaren 1ean, Pasaiako Badia dokumentala eskainiko dute. Abenduaren 15ean, Cannesko Urrezko Palma eskuratu duen The Square filma ikusi ahalko da eta abenduaren 28an, azkenik, 50 primaveras filma izango da.

Animaziozko bi filmez gozatu ahalko dute haurrek hilabete honetan: abenduaren 3an, Hurrak eta lapurrak 2 eta abenduaren 17an, Deep. Helduen zinea atalari dagokionez ere bi film izango dira: abenduaren 3an, La batalla de los sexos filma eta abenduaren 17an, Canción de Nueva York

Musika 

Bestalde, Eguberrietako giroa aste bete aurreratuko da Lasarte-Orian. Alboka Abesbatzak eta Oiartzungo Lartaun abesbatzen ahotsetan nazioarteko Eguberri doinuak entzungo dira abenduaren 17an Ama Brigitarren komentuan.

Abenduaren 20an, Udal Musika eskolako ikasle eta irakasleen txanda izango da Manuel Lekuonan. Eguberrietako abestiak eta doinu klasikoak eskainiko dituzte.

Danok Kide elkarteak antolatzen dituen Musika Topaketen hitzordu berria ere izango da, abenduaren 22an. Ana Garcia organo joleak eta Amaia Arberas sopranoak “kalitate handiko” emanaldi eskainiko dute.

Abenduaren 27an, aldiz, Ane Arteche harpa-jotzailearen trebetasunaz gozatu ahalko da. Eta azken urteeko arrakasta ikusirik, Gospel kontzertua ere izango da abenduaren 29an. 

Jaiak 

Eguberrietako aurrekari izango da ere San Tomas azoka. Abenduaren 21eko arratsaldean Okendo plazan postuak, haurrentzako tailerrak, musika eta txerria izango dira.

Eguberrietako parkeak abenduaren 22an irekiko ditu ateak eta abenduaren 31era arte izango da martxan. 

Abenduaren 24an, Olentzero, Mari Domingi eta Xixuko izango dira Lasarte-Oriako kaleetan. Okendo plazan etorrera jaialdia egin eta haurren eskutitzak jasoko dituzte.

Beste ekintzak

Baina hori guztiaz gain, izango da besterik.

Jalgune elkartearen Lasarte-Orian gai gara jaialdian abenduaren 2an, Lasarte-Oriako hainbat elkarte izango dira. “Sarrera behar da eta dagoeneko agortu dira”.

Abenduaren 12an, ipuin kontalarien azken saioa izango da. Kontu Kantoiko lagunen eskutik, 6 eta 8 urteko gaztetxoek ipuin ezberdinak ezagutuko dituzte.

Azkenik, Lasarte-Oriako kirola izango da protagonista abenduaren 16an. Zero Sette akordeoi taldearen doinuez lagunduta diaporama historikoaz gozatu ahalko da. “Gogoratzen duguna gara diaporamak arrakasta handia izan zuen eta herritarrek Lasarte-Oriaren historia diaporama bidez ezagutzea ideia ona dela aipatu ziguten”.

ARGAZKIAK
blog comments powered by Disqus
OHARRAK
  • Odol-ateratzearen egun aldaketa
    Lasarte-Oriako odol emaileen elkarteak ohartarazten du, hilabete honetan azken astelehena Eguberri eguna izanik, odol-ateratzeen eguna aurreratzen dela. Hilabete honetako hitzordua, beraz, abenduaren 22ean, ostirala izango da. Beti bezala Osasun Zentroan eman ahal izango da odola, 17:30etik 20:30era. Anima zaitezte, odola ordezkaezina da eta odol falta dago!
  • EHP sarreren salmenta eta taberna kudeatzeko gonbidapena
    Lasarte-Oriako Udalak herriko irabazi-asmorik gabeko elkarte eta entitateak (kirol-taldeak eta kultura-taldeak, elkarte solidarioak, etab.) abenduan Michelingo frontoian antolatu ohi den Eguberrietako Haurren Parkeko (EHP) sarreren salmentaren eta tabernaren kudeaketan parte hartzera gonbidatzen ditu. Hautatutako taldearen erantzukizuna izango da EHPko sarreraren kontrola bezala tabernaren kudeaketa ere EHPa irekita dagoen orduetan. Salmentarako sarrerak (helduek, euro batean) Gazteria, Festak eta Kirolak departamentutik emango dira zuzenean. Tabernaren kudeaketak haren horniketa eta ustiaketa inplikatuko du, eta lortutako irabaziak, berriz, hautatutako taldearentzat izango dira osorik. Oraingo honetan, aukera izango da sarreren kudeaketaz bakarrik arduratzeko. Laneko egunak 9 izango dira, eta Interesaturik dauden talde eta entitateek aldez aurretik justifikatu beharko dute hura kudeatzeko gaitasun eta pertsonal nahikoa badaukatela. Prozedura honako hau izango da: Deialdi irekia egingo zaie udalerriko talde eta entitate guztiei. Interesatuek eskaera bat aurkeztu beharko dute abenduaren 14a baino lehen udaletxeko erregistroan. Onartutako eskaera guztiekin lista bat egingo da, eta zozketa eginez zehaztuko da zeinek kudeatuko duen 2017ko Eguberrietako Haurren Parkea. Lortutako zerrenda hori datozen urteetan Eguberrietako Haurren Parkea zein taldek edo entitatek kudeatuko duen erabakitzeko erabiliko da, zerrenda horretan zenbatgarren dauden kontuan izanda.
  • Inauteriak prestatzeko bilera
    Datorren abenduaren 13an, 18:00etan, 2018ko Inauteriak prestatzeko bilera egingo da kultur etxean. Bertan parte izan nahi duten talde guztiak animatzen ditu udalak hurbiltzera
  • San Tomaseko postu eskaera
    San Tomas arratsaldean azoka egongo da Okendo plazan. Honetan Ttakunek jartzen duen talo postu eta txerriaz gain, azken urteetan herriko hainbat elkartek edo norbanakoek txistorra, salda, tortila edo gozokiak saltzen dituzte haien ekimenetarako dirua biltzeko. Azokan parte hartu nahi dutenek, abenduaren 18a baino lehen egin behar dute eskaera. Bi baldintza bete behar dira batetik eguneko giroan txertatzea, hau da, baserritarrez jantzia joan eta postua apaintzea eta bestetik, harrera euskaraz egitea. Postua eskatu nahi dutenek kultura@ttakun.eus-era mezua bidali behar dute.
Lasarte-Oria
Gaur ez dago ekitaldirik Lasarte-Orian.
ZORION AGURRAK
LIBE
Zorionak guapixima!!! Ondo disfrutatu zure hamarkada berria. Hamar muxu denon partetik.
AZKEN PDFa
1402 ( Abenduak 1 )
GUARDIAKO FARMAZIAK
Acha-Orbea ( Asteazkena)
Hipodromo etorbidea 6
Tel: 943 363549
ASTEA
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    • De Miguel ( Asteartea )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48