Merkatal-gune berrien hazkundea "kezkagarria" da EH Bildurentzat
Merkataritza-gune handi berriei moratoria bat aplikatzeko eta Donostia inguruko udalek inongo garapenik ez ahalbidetzeko eskatu du EH Bilduk. Bihar, martxoaren 13an egingo den udalbatzarrean aurkeztuko dute Lasarte-Oriako zinegotziek mozioa

Buruntzaldea eta Oarsoaldeko EH Bilduko alkate eta hautetsiek agerraldi bat egin dute. EHBilduk Gipuzkoan egun dagoen merkataritza-gune handien zabalkundearengatik bere kezka agertu eta  garapen iraunkor eta orekatua egin nahi duela jakitera eman du. Xabier Arregi Usurbilgo Alkateak eta Amaia Almirall Donostiako Zinegotziak Irun, Hondarribia, Errenteria, Lezo, Pasaia, Oiartzun, Donostia, Lasarte-Oria, Hernani, Astigarraga, Andoain eta Usurbilgo hautetsien izenean irakurri dute adierazpena.

Agerraldian aipatu dutenez, Donostia inguruan, ekialdetik mendebaldera, merkataritza-gune handiek 180.000 metro koadro hartzen dituzte. “Kezkatuta gaude, izan ere, merkataritza-gune handiak sortzeko edo oraingoak zabaltzeko gaur egun mahai gainean dauden proiektu guztiak gauzatzen badira, beste 200.000 bat metro koadro izango ditugulako, datozen urteetan”

“Paradoxikoki, handitzeko joera hori ez dator bat mundu zabalean, eta guregandik gertu ere, nabarmentzen den ereduaren krisiarekin. Gaur egun, merkataritza-guneak ixten ari dira. Joera orokorra da, bestelako eredu batzuek, bereziki online merkataritzak, hartu duten indarrarengatik” azpimarratu dute.

Lurralde osoaren garapen iraunkorra bilatu eta herri eta auzo biziak izan nahian, “oreka ezinbestekoa da. Proiektu berrien presakako tramitazioek desestabilizazioa ekar dezakete”.  “Kaltetuak dendari txikiak izango dira, eta haiekin batera, gure herriak eta gu,” adierazi dute.

EH Bilduren ustez, inoiz baino beharrezkoagoa da sektorea erregulatzea eta hori dela eta, honako eskaintza egiten die gainerako indar politikoei, eta, bereziki, haien ardura instituzionalarengatik, PNV eta PSEri:  batetik egun Eusko Jaurlaritzan lantzen ari den Lurralde Arloko Plan berrian, merkataritza-gune handiei 2004an ezarritako mugak berreskuratzea, eta bestetik, moratoria bat aplikatzea. Halaber, plan hori onartu bitartean, Donostia inguruko udalek inongo garapenik ez ahalbidetzea.

“Horrela, indar politiko nagusien artean egoeraren diagnostikoa egin eta, erabaki okerrak hartu baino lehen, ahalik eta akordio politikorik zabalena egiteko aukera izango genuke,” adierazi dute. 

EH Bildu udaletan lantzen ari diren arau subsidiarioen berrikuspenetan edota plan orokor berriak aipatutako irizpideon arabera egiteko konpromisoa hartzen du eta PNV eta PSOek berdin egitea espero du alderdi abertzaleak. “Lokal hutsez beteriko kaleak eta plaza hutsak inork ez dituelako ikusi nahi; lotarako herrietan inork ez duelako bizi nahi”.

Udal batzarra 

Gaia Lasarte-Oriako Udalbatzarrean eztabaidatuko da, bihar martxoak 13an egingo den ohiko batzarrean.

Honetaz gain, hainbat arlotako diru-laguntza oinarriak izango dira mahai gainean: euskara saileko diru-laguntzak, San Pedro Jaietako diru-laguntzak, jarduera kulturalen programen diru-laguntzak eta eskola orduz kanpoko jarduera hezigarrien programen diru-laguntzak.

ARGAZKIAK
blog comments powered by Disqus
OHARRAK
  • Erketzen urteurren bazkaria
    Erketz EDT urriaren 21ean bere 50. urteurreneko bazkaria antolatu du, Michelin kirol guneko pilotalekuan. Bazkari gozoa dastatzeko txartelak salgai daude Patricio tabernan, Mendi-Rock tabernan eta Ormazabal lora-dendan. Haurren bazkariko txartelak, 15 euro balio ditu; helduenak berriz, 35 euro. Urriaren 5era arte izango dira eskuragarri.
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
Lasarte-Oria
Gaur ez dago ekitaldirik Lasarte-Orian.
ZORION AGURRAK
NAHIA ETA MIREN
7 muxu potolo aitatxo eta amatxoren partetik!
AZKEN PDFa
1434 ( Irailak 21 )
GUARDIAKO FARMAZIAK
Orue ( Larunbata)
Jaizkibel plaza 2
Tel: 943 362652
ASTEA
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48