Martxoaren 8ko kartelen lehiaketa martxan
Lasarte-Oriako Udalak martxoaren 8, Emakumeen Nazioarteko eguneko kartel lehiaketako oinarriak argitaratu ditu. Gazteei zuzendutako lehiaketa da eta otsailaren 19tik martxoaren 2ra aurkeztu ahalko dira lanak

Emakumeen Nazioarteko eguneko kartel lehiaketan 12 eta 17 urte bitarteko gazteek parte hartuko dute. Gazteek nahi adina proposamen aurkeztu ahalko dituzte, beti ere, jatorrizkoak eta beste lehiaketetan saritu gabeak badira. Kartela lantzeko teknika erabat librea eta “Martxoak 8 de Marzo. Emakumeen Nazioarteko Eguna, Día Internacional de las Mujeres” goiburua izango du. Kartel guztia edo haren zati bat osatzen duten irudien jabetza egilearena ez bada, ezin da kartela aurkeztu.

Proposamenak otsailaren 19tik martxoaren 2ra aurkeztuko dira. Lanak formatu digitalean nahiz fisikoan aurkeztu ahal dira. Izenburu batekin identifikatuko dira, ez egilearen izenarekin.

Kartela formatu digitalean aurkeztu nahi dutenek, emakumezentroa@gmail.com helbidera bidali behar dute. Lanak jpg formatuan aurkeztu behar dira, 50x70 cm-takoa eta 300 pixel hazbeteko izan behar du. Artxiboaren izena izenburutzat hartuko da. Mezuari atxikita testuzko dokumentu bat bidaliko da, egilearen datu pertsonalekin eta harremanetarako datuekin.

Formatu fisikoan aurkeztuz gero, kartela Emakumeen Zentroan entregatu behar da, astelehenetik ostegunera 9:30etik 13:30era eta 15:30etik 19:30era. Ostiraletan goizez soilik aurkeztu daitezke.  Kartelaren tamaina 50x70 cm-takoa izan behar du. Atzealdean izenburua idatzi behar da. Lanarekin batera gutun-azal itxi bat ere aurkeztuko da, bertan egilearen datu pertsonalak eta harremanetarako datuak agertuko dira.

Kartel guztiak www.lasarteoriasarean.eus webgunean izango dira ikusgai. Era berean, Emakumeen Zentroan erakutsiko dira martxoaren 5etik 8ra. Bertan lanak bozkatu ahal izango dira. Herritarren iritzia kontuan izango da kartel irabazlea hautatzerakoan.

Aurkezten diren kartelen artean hiru aukeratuko dira. Irabazlea Lasarte-Oriako berdintasun teknikariek eta gizarte zerbitzuetako langileek aukeratuko dute. Erabakia apelaezina izango da. Sariei dagokionez, irabazleak 150 euro jasoko ditu, bigarrenak 120 euro eta hirugarrenak aldiz 90 euro.

Kartel irabazlearen egileak lana erreproduzitzeko eskubide guztiak emango dizkio udalari. Era berean, udalak aldaketak egiteko eskubidea izango du, beti ere, lanaren esentzia errespetatuz. Lehiaketa honetan parte hartzeak oinarriak onartzea dakar.

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
AZKEN PDFa
1431 ( Uztailak 27 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Lasa ( Asteazkena )
      Kale Nagusia 42 atzea
      943 361774
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48