Maitasun dosia, bizitzan aurrera jarraitzeko
Julene eta Labrit alabek bultzatuta, Eva Elexpuruk omenaldi beroa jaso du ETBko 'Asko Maite Zaitut' programa ezagunean. Sorpresa hartu eta maitasun dosi handia jaso du herritarrak gertukoengandik.

Eva Elexpuru herritarra izan  protagonista 'Asko Maite Zaitut' saioko atzoko kapituluan. Julene eta Labrit alabei otu zitzaien amarengandik behin eta berriro jasotzen dutena bueltan ematea, eta ETBko programa horretako ekoizleekin jarri ziren harremanetan. Zuhaitz Gurrutxaga da aurkezlea. Evaren familiak bakarrik ez, gertuko lagunek eta Atzegiko lankideek ere ez dute zenbat maite duten esateko aukera galdu.

Lasarteoriatar bat bigarrenez izan da protagonista ETBko saio horretan. 2016 hasieran Joxe Mari Agirretxe 'Porrotx'-ek jaso zuen sorpresa atsegina.

Bularreko minbizia izan du Evak, bi aldiz. Lehenengoa, duela zazpi urte. Gaixotasuna gainditu eta atzean utzi zuen, 2015ean birsortu zitzaion arte. Behera etorri beharrean, ordea, beti bezain umoretsu eta positibo izaten jarraitu du Evak. "Unean unekoaz gozatu behar da, beti aurrera egin", azpimarratzen du aipatu omenaldian. 

Hunkituta ikusi du Evak berarentzat prestatuta zeukatena. Kukuka dantza taldeko kideek, Julene alaba tartean, dantza bat sortu zuten, zapi arrosak eskuetan (bularreko minbiziaren aurkako sinbolo ezagunenetako bat da). Ondoren, Evaren bi alabak berarengana gerturatu eta esan diote zenbat maite duten, eta merezi duela horrelako omenaldi bat. Besarkatu egin dira gero. Ondoan zeuden baita ere Jon senarra, ahizpa eta gurasoak.

Evaren lagun-minek eta Atzegiko lankideek ere parte hartu dute aitortza bero horretan. Beraiek ere jarri dute aletxoa herritarrak jaso duen maitasun dosi oparoan. Hitzez behar baino gutxiagotan islatu ohi den arren, oso indartsua izaten da sentimendu hori. Evaren gertukoek soberan erakutsi dute.

ARGAZKIAK
blog comments powered by Disqus
OHARRAK
  • Odol-ateratzea
    Hilabeteko azken astelehenean, azaroaren 27an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
  • 62ko kintoen afaria
    Hurrengo larunbatean, hilaren 25ean, Araeta jatetxean 1962 urtean jaiotako kinto afaria egingo dugu. Ordua 9:30tan izango da, baina denok alkarrekin joan gaitezen 20:00etan Patrizio tabernan, 20:30ean Gure Etxean edo 21:00etan Jalgin gelditu gara. 50 euroko ingresoa egiteko 3035 0036 12 0361135678 kontu zenbakia erabili.
  • Biyak Baten Gabonetako loteria
    Biyak Bat elkarteak bere bazkideentzat Gabonetako loteria du. Zenbakia 71.580 da. Nahi duenak elkarteko bulegoan izango du eskuragarri 10 eurotan. Azaroaren 30a baino lehen jaso behar da.
  • Txakurra galdu da
    Azaroak 2an, kiroldegi inguruan, txakurra galdu zen. Jai du izena, eta hamar hilabete ditu. Lepoko marroia darama, eta txipa ere badu. Inork ikusi edo aurkituko balu, gurekin harremanetan jartzea eskertuko genuke, ondorengo zenbakian: 688697119. Mila esker.
ZORION AGURRAK
HODEI ETA JUNE
Zorionak maittiak!! Oso ondo pasa zuen 10. urtebetetzean!
AZKEN PDFa
1401 ( Azaroak 24 )
GUARDIAKO FARMAZIAK
Lasa ( Larunbata)
Kale Nagusia 42 atzea
Tel: 943 361774
ASTEA
    • Lasa ( Igandea )
      Kale Nagusia 42 atzea
      943 361774
    • Gandarias-Uribe ( Astelehena )
      Iñigo de Loyola 9
      943 019521
    • Orue ( Asteartea )
      Jaizkibel plaza 2
      943 362652
    • De Miguel ( Asteazkena )
      Kale Nagusia 32
      943 371151
    • Lasa ( Osteguna )
      Kale Nagusia 42 atzea
      943 361774
    • Gil ( Ostirala )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48