Zaborren aurtengo tasa ordaintzeko bi bide dituzte zergadunek: helbideratutako errezibo edo helbideratu gabekoen bidez. Lehenengoak maiatzaren 16an kargatuko dira bakoitzaren kontu-korronteetan. Bigarrenen kasuan, banku, aurrezki kutxa edota Lasarte-Oriako Udalaren web orrialdean ordaindu ahalko dituzte herritarrek.
Ordain-gutuna jaso ez dutenek edota beste aleren baten beharra daukatenek bide bat baino gehiago erabil ditzakete horiek eskuratzeko. Joan daitezke Udaletxeko hirugarren solairuan dagoen zerga-bilketa bulegora, edo deitu dezakete 943 37 61 87 telefono zenbakira.