Lasarte-Orian bertan kontsumitzeak saria du
Aterpea merkataritza elkarteak "Bezeroaren Hamabostaldia" egingo du urriaren 8tik 19ra bitartean. 98 establezimendutan erosten edo kontsumitzen dutenek 300, 100 eta 50 euroko erosketa-bonuak lortzeko aukera dute. Zozketa urriaren 19an egingo dute

Aterpea merkataritza elkarteak urriaren 8tik 19ra egingo du Bezeroen Hamabostaldia. Herriko dendari eta ostalariak udal ordezkariekin batera bildu dira ekimenaren berri emateko. Kanpaina Lasarte-Oriako merkataritzan, ostalaritzan eta zerbitzuetan egingo da; guztira 98 establezimenduk parte hartuko dute. Horietan erosi edo kontsumitzen duten herritarrek 300, 100, eta 50 euroko erosketa-bonuak eskuratu ahalko dituzte.

Ramon Ormazabal Aterpeako lehendakariak nabarmendu du Bezeroen Hamabostaldia urteko kanpaina garrantzitsuenetakoa  dela. Aterpearen Bizi eta erosi Lasarte-Orian kanpainaren barruko ekimena da, eta helburua herriko bezeroak fidelizatzea da. Era berean, sektorea dinamizatu nahi dute, herritarrek beste herri batzuetan, saltoki handietan edo Internet bidez ahalik eta gutxien eros dezaten. "Merkataritza lokalik gabe herriek bizitzarik ez dute", adierazi du Ormazabalek.

Modu horretan, Bezeroen Hamabostaldian beren erosketak edo kontsumoak herriko 98 establezimendutan egiten dituzten herritarrek zozketa batean parte hartzeko txartelak jasoko dituzte. 
Zozketa, Okendo plazan

Zozketan 1.300 euro banatuko dituzte erosketa-bonuen bidez.  "300 euroko hiru bonu, 100 euroko bi bonu eta 50 euroko lau bonu", azaldu du Ormazabalek. 

Zozketa ekitaldi publikoa izango da. Hitzordua: urriaren 19an, 20:30ean, Okendo plazan. Aterpeak herritarrak gonbidatu ditu Bezeroaren Hamabostaldian herriko komertzioetan kontsumitzera, eta zozketa egunean Okendo plazara hurbiltzera.

Horrez gain, hamabostaldi horretan parte hartuko duten merkatarien, ostalarien eta zerbitzu pertsonalen ahalegina eskertu du Aterpeako lehendakariak.

Kanpainak 4.275 euroko kostua du, eta Lasarte-Oriako Udalak 1.221 eurorekin finantzatuko du.

Udala eta Aterpea

Jesus Zaballos alkateak Aterpea zoriondu du urtero aurrera eramaten dituen jarduerengatik. Bide batez, nabarmendu du udalaren eta Aterpearen arteko hitzarmenari esker sortzen diren jarduerak erreferente direla Gipuzkoa osoan. Merkataritzaren eta ostalaritzaren sektorea dinamizatzeko helburuarekin orain arte eginiko bidea txalotu du.

 

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
MAITE
Zorionak zure urtebetetzean, oso ondo pasa dezazula. Zure semeak eta senarrak bazkari on batera gonbidatuko zaituzte.
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48