Lasarte-Oriako hainbat tabernatan, txotx
Sagardopotea antolatu du Aterpea herriko merkatarien elkarteak, hirugarren urtez. Datorren asteko asteazkenean, 19:00etatik 21:00etara, txotx doinuak entzungo dira Lasarte-Oriako 11 tabernatan

Lasarteoriatarrek gustuko dute Aterpearen Sagardopotea Lasarte-Orian ekimena, eta nabaritzen da: urtetik urtera, gero eta arrakastatsuagoa da. Ez bakarrik herritarrek, baita ostalariek ere: iaz baino lau taberna gehiago animatu dira parte hartzera. Denera, 11 dira aurten: Arkupe, Avenida, Buenetxea, Bus, Eguzki, Primeran, Txartel, Txema, Viña del Mar, Yolanda eta Zumaburu. Datorren asteazkenean, hilak 11, 19:00etatik 21:00etara, txotx doinuak entzungo dira herrian zehar. Musika ere ez da faltako: Ttirriki-Tttarraka eskolako bi taldek girotuko dute arratsaldea.

Sagardopoterako prestatu duten eskaintza, hauxe: 1,50 euroren truke, sagardo trago freskoa eta pintxo goxoa. "Sagardotegi garai bete-betean gaude; ekimen interesgarria eta erakargarria dela uste dugu", nabarmendu du Aterpeako lehendakari Ramon Ormazabalek. Lasarte-Oriako Udalari eta Eusko Jaurlaritzako Komertzio eta Kontsumo sailari eskerrak eman dizkio, ekimena antolatzen laguntzeagatik. "Herriko komertzioa sustatu nahi dugu, eta baita sagardotegien jarduna ere". Berezia izango da aurtengo edizioa, Aterpeak 25 urte betetzen baititu.

Sagardotegi ugari aukeran

Aurtengo sagardopotean parte hartuko duten ostalariek hainbat sagardotegitako sagardoa eskainiko dute datorren asteazkenean: Txartelek eta Txemak, Mina etxeko sagardoa; Avenidak eta Busek, Aburuzakoa; Zumaburuk, Izetakoa; Yolandak, Itxas-Burukoa; Eguzkik, Rufinokoa; Buenetxeak, Alorreneakoa; Primeranek, Saizarrekoa; Arkupek, Begiristaingoa; eta, azkenik, Bereziartuakoa Viña del Mar tabernak.

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48