Hitzarmen sinatze ekitaldian alkate Jesus Zaballos, Maite Iglesias kultura zinegotzia eta Jesus Mari Eguizabal Lasarte-Oria aldizkariaren izenean izan dira.

Honen bitartez, udalak Lasarte-Oriako aldizkariaren 2017-2019 urteetako argitalpenak diruz lagunduko ditu: 2017 urtean, 4.826 euro; 2018 urtean, 4.894 euro eta 2019 urtean,  4.963 euro.

Lasarte-Oria aldizkariak urteroko bi aleak eta aurten lehenengoz egin den urtekaria argitaratu beharko ditu.

Jesus Mari Egizabalek aipatu legez, egun 76. Aldizkaria argitaratuko da abenduan. “1985ean lehen alea kalera atera zenetik, gora beherak izan ditugu. Baina urtero izan da aldizkaria Lasarte-Oriako historia eta beste gaiak jorratzen”.

Urtekariari dagokionez,  “elkarteen erantzuna oso ona izan da aurten. Hurrengo urterako otsailean argitaratuko nahiko genuke eta orain hasiko gara lanean. Horregatik, lehen alean parte hartu ez duten elkarteak gonbidatu nahi ditugu gurekin lan egitera”, aipatu du Jesus Marik. “Urtekaria  bizirik dagoen dokumentua da eta herriko aberastasunaren isla,” atxiki du.

Bestalde, urtekariaren kudeaketa aldizkariak egiten duen lanari aitorpena egiteko modua dela azpimarratu du Jesus Zaballos alkateak. Bere hitzetan, “urtekariak harrera ona izan du eta ez dugu egitasmo puntuala izatea nahi, jarraipena eman nahi diogu. Era honetara, elkarteen historia eta haien ekintzak idatzita geratuko dira”.

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
Lasarte-Oria
Gaur ez dago ekitaldirik Lasarte-Orian.
AZKEN PDFa
1431 ( Uztailak 27 )
GUARDIAKO FARMAZIAK
Gil ( Asteartea)
Kale Nagusia 24
Tel: 943 361529
ASTEA
    • Lasa ( Asteazkena )
      Kale Nagusia 42 atzea
      943 361774
    • Urbistondo ( Osteguna )
      San Frantzisko 1
      943 366567
    • Gandarias-Uribe ( Ostirala )
      IƱigo de Loyola 9
      943 019521
    • De Miguel ( Larunbata )
      Kale Nagusia 32
      943 371151
    • De Miguel ( Igandea )
      Kale Nagusia 32
      943 371151
    • Orue ( Astelehena )
      Jaizkibel plaza 2
      943 362652
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48