Ziztu bizian doa larunbata
Konturatzerako, ilundu du: ziztu bizian ari da igarotzen larunbata. Ospakizun eguna dute gaurkoa Loquillo Riders motorzale elkarteko kideek. Gasolina ugari geratzen zaie gorputzean oraindik

Motorren burrunbek esnatu dute gaur Lasarte-Oria. 2016an irten zen tailerretik Loquillo Riders motorzale elkartea; badarama urtebete errepideetan, eta urtemuga ospatze aldera, egun osoko egitarauaz ari dira gozatzen Okendo plazan eta inguruetan. Ziztu bizian ari da igarotzen larunbata, baina festara batu direnei gasolina ugari geratzen zaie gorputzetan oraindik.

Goizeko bederatziak, puntu-puntuan. 2KN kafetegian izena emateko ordua. Kafesneak, croissant goxoak, eta...motorzaleak. Baten bat hasieran, batzuk gero, eta asko azkenean. 165 apuntatu dira, eta are pertsona gehiago animatu dira ibilaldia egitera, euren kontura. 11:00etan geratuta zeuden Andoain aldera joateko, baina ordu erdi lehenago motorrez josia zegoen Jaizkibel plaza ondoko aparkalekua. Ospakizun eguna izaki, motorzaleek ez dute segundo bakar bat galdu nahi izan eta berehala murgildu dira festa-giroan.

Esan bezala, goizeko hamaiketan hasi dira orroka berriro motorrak. Kilometro-kontagailua martxan jarri, kaskoak ongi lotu eta errepidera atera dira motorzaleak. Andoainera joan dira, eta pare bat orduko ibilbidea egin ostean, herrira itzuli dira berriro. Buelta bat eman dute, eta Mendi Cafe Rock tabernan poteatu. Talde argazkia ere atera dute bertan, giro ederrean. Okendo plazan bazkaldu, eta euren depositoak gasolinaz bete dituzte, arratsaldeko eta gaueko ekitaldiei aurre egiteko. Bien bitartean, gaztetxoenek ederki pasa dute puzgarrietan saltoka. Horiei ez zaie depositoa inoiz husten.

Motor burrunben ordez, musika

Ibilgailuen motorrak itzali ostean isiltasuna etorriko zela usteko zuen herritarren batek, baina ez da horrela izan. Festetan beti egoten da musika, giro ona, eta gaurkoa ez da izan salbuespena. Anai taldeak girotuko du Okendo arratsaldean zehar. Hori baino lehen, antolatzaileek hainbat opari zozketatuko dituzte motorzaleen artean. Afaltzeko, ogitarteko beroak jango dituzte, Roadhouse taldearen emanaldian gorputzak astintzeko gero. Musika ez da bukatuko gaueko ordu txikietara arte. Motorzaleen gasolina ere ez.

ARGAZKIAK
BIDEOAK
blog comments powered by Disqus
OHARRAK
  • San Tomaseko postua
    Abendua gertu dugu, eta Ttakun elkarteko Kultura saila San Tomas eguneko azoka prestatzen hasi da. Arratsaldez egingo da azoka; postua jarri nahi duten herritar edo elkarteek abenduaren 15a baino lehen eskaera egin behar dute. Bi baldintza bete behar dituzte: batetik, eguneko giroan txertatzea, hau da, baserritarrez jantzia joatea. Bestetik, harrera euskaraz egitea. Izen ematea egiteko kultura@ttakun.com helbidera mezua bidali behar dute interesatuek; elkartearen izena edo taldearen arduradunaren izena eman behar da. Kultura saileko arduraduna ahal duen azkarren jarriko da harremanetan interesatuekin.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
JON
Zorionak Jon. Gure etxeko txikiak bi urte bete ditu. Asko maite zaitugu!!!! Muxu erraldoi bat.
AZKEN PDFa
1443 ( Azaroak 30 )
GUARDIAKO FARMAZIAK
Urbistondo ( Asteazkena)
San Frantzisko 1
Tel: 943 366567
ASTEA
    • Gil ( Osteguna )
      Kale Nagusia 24
      943 361529
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • Urbistondo ( Astelehena )
      San Frantzisko 1
      943 366567
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48