Landaberri Ikastola abiapuntu, Gipuzkoa osora zabaltzeko
Ehundik gora pertsonak hartu dute parte Hitzartu ekimenak antolatutako Gune Irekian. Hondakinen kudeaketa izan dute hizpide, Zubietako erraustegiaren obretatik 500 metro eskasera dagoen Landaberri ikastolan. Hainbat gairen inguruan hausnartu dute, ideia argi batekin: ez da beranduegi hondakinen kudeaketari buruz libre eta lasai hitz egiteko

Aitzindari diren ekintza eta proiektuen inguruan beti sor daitezke zalantzak: animatuko al da jendea? Erantzungo ote diote herritarrek hondakinen kudeaketari buruz era lasai eta aktiboan hausnartzeko deiari? Hitzartu ekimenaren sustatzaileak egon daitezke lasai: bikain erantzun dute Lasarte-Oria, Zubieta, Usurbil eta inguruko herrietako biztanleek, eta Landaberri ikastolako gimnasioa bete dute. Gure bizitzaren kontrolaren bila: nola lortu informatzeko, eztabaidatzeko eta parte hartzeko eskubidea bermatzea? lelopean, hondakinen kudeaketaren gaiari buruz hausnartu dute Gune Irekian parte hartu duten ehundik gora pertsonek. "Parte-hartzaileen jarrera oso aktiboa izan da; nabaritzen da gai honi buruz hitz egiteko duten gogoa", nabarmendu dute antolatzaileek. Gipuzkoan lehenengo aldiz egin da horrelako egitasmo bat. Landaberri Ikastola hartu dute abiapuntu, Gipuzkoa osora zabaltzeko gero.

Goizean goiz hasi dira antolatzaileak dena prestatzen. 10:30ean egin diete harrera Lasarte-Oriako eta inguruko herritarrei. Agenda prestatzeari ekin diote gero, denek batera. Ideien merkatu moduko bat egin dute, buruan zeuzkaten ideia eta galderak paperera eramanez: "Nola ulertarazi gizarteari hondakinen arazoa guk sortzen dugula, eta guk eman behar diogula irtenbidea?", "Nola landu hondakinen gaia, hezkuntzatik?" edota "Politikariek zergatik ez dituzte entzuten gure ardurak eta kexak?" izan dira planteatutako galderak, besteak beste. Galdera eta gai horiek hartu dituzte eztabaidagaitzat, eta hainbat taldetan banatu dira, lasai eta gustura hausnartzeko: Igeldo, Andatza, Lasarte, Zubieta, Santuenea, Oria, Usurbil eta Buruntza. Helduak izan dira gehiengoa, baina haurrek ere osatu dute eztabaida talde bat; hitz egindakoak paperean jaso, eta gimnasioko paretetako batean eskegi dute gero. Gauza bera egin dute gainontzeko taldeek ere. Bien bitartean, Bea Egizabal eta Cesar Marcos ipuin kontalariekin primeran pasa dute etxeko txikienek. Anfiteatrora hurbiltzean, paella usain goxoa frontoitik: goiz osoan zehar hitz egiten egon eta gero, frontoian berritu dituzte indarrak parte-hartzaileek, giro ederrean.

Etorkizunera begira

Eztabaida eta gogoetek arratsaldean segitu dute, ia bostak arte. Egun osoan zehar hitz egindakoak aktetan jaso dituzte antolatzaileek. Jakinarazi dute datozen egunetan e-postaz bidaliko dizkietela parte-hartzaile guztiei. Etorkizunean egin daitezkeen ekimenei buruz ere hitz egin dute, eta proposamen ugari jaso dituzte; 40 inguru. Ekitaldia biribiltze aldera, bukaerako festa ospatu dute guztiek, gimnasioan bertan. Musika eta dantza izan dira protagonistak. Hori baino lehen, Landaberri Ikastolako irakasleetako batek hartu du hitza; eskerrak eman dizkie sustatzaileei, Gune Irekia bertan egiteagatik. Ikastolak balio sinbolikoa dauka, erraustegia egiteko lanak 500 metro eskasera baitaude kokatuta. 

Gune Irekia baloratu dute Hitzartuko kideek. "Gauza asko ikasi ditugu gaur, herritarren arteko komunikazio ariketa paregabea izan da. Parte hartu duten gehienak are ilusionatuago atera dira, eta lan egiteko gogo askorekin. Ideia bat geratu zaigu argi: ez da beranduegi gai honi heltzeko". Maiatzaren 14an, astelehenarekin, bilera bat egingo dute Manuel Lekuona kultur etxean, 18:00etan. Gune Irekiaren balorazioak jaso nahi dituzte. Era berean, datozen asteetan balorazio publiko bat egingo dute, esperientzia honetatik ateratako ondorioekin eta jaso dituzten ideia guztiekin.

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
NAHIA ETA MIREN
7 muxu potolo aitatxo eta amatxoren partetik!
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48