Lasarte-Oriako hainbat taberna, denda eta EROSKI supermerkatuan bada edarien artean freskagarri berezi bat, Korricolari euskal kola.

Korricolari freskagarria naturala eta osasuntsua da. Ez du azukrerik edo sakarinarik, stebia baizik. Euskal Herrian bertan ekoiztua da. Bere izenak aditzera ematen duen modura, korrikalariei omenaldi txikia egiteko sortua izan da. 

Ideia honen guztiaren atzean Ivan Garcia herritarra dugu. 2014. eta 2015. urteetan ideia eta produktua garatu zuen herritarrak eta 2016. urteko ekainean lehen botila merkaturatu zuen. 

Geroztik pixkanaka-pixkanaka Euskal Herriko hainbat txokoetara iritsi da euskal kola freskagarria. Lasarte-Oriaren antzera, herrietako tabernetan eta dendatan eskuragarri dago Korricolari, baita harategietan ere. 

"EROSKI dendetan ere duela gutxi hasi gara Korricolari banatu eta saltzen," azpimarratu du Garciak.

Eta bere helburua orain merkatua gehiago irekitzea da. "Korricolari beste saltoki handietan egotea dut xede".

Hau guztia dela eta, pozik agertu da herritarra. "Oso pozik nago urte bete honetan produktuak izan duen hedapenarekin." 

Eskertzea eta gonbita

Freskagarriak izandako hedapenari esker gainera, gertaera berezia ospatuko du Garciak, Korricolari freskagarriaren ehun milagarren botilaren ekoizpena. 

Honen atzean lan handia dago eta Korricalariren arduradunak eskerrak eman nahi dizkie produktuan sinetsi duten ostalari, merkatari eta herritarrei.

Honez gain, Korricolari euskal kola freskagarria dastatu ez duten herritarrei gonbita egiten die Garciak herriko tabernatan eskatzera edo denda eta EROSKI supermerkatuan erostera. "Bertako produktua baita".

Bestela, igandean, azaroaren 26an, Hondarribiko Endanea Garden-eko Gabonetako azokan izango da, 10:00etatik 14:00etara. Azokara hurbiltzen diren pertsonek bertan ezagutu ahalko dute Korricolari euskal kola freskagarri berezia.

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ODEI
Zorionak Odei. Muxu pila bat familia guztiaren partez. Asko maite zaitugu!!
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48