Kantuan eta dantzan, indarrak agortu arte
Andaluziar jantzi koloretsuak armairuetatik atera, Rocioko ama birjina eskuetan hartu, eta, eguzkia ezkutatu arte, kantuan eta dantzan aritu dira Semblante Andaluz elkarteko kideak, Atsobakar parkean

Gaur astelehena delako, eta errutinara bueltatu behar dutelako. Ilundu egin zuelako atzo, eta apenas ikusten zelako ezer. Bestela, ziur aski, kantuan eta dantzan jarraituko lukete Semblante Andaluzeko kide eta lagunek, indarrak agortu arte. Rocioko erromeria ospatu dute asteburuan, Atsobakar parkean. Larunbata goibel hasi zen, euritsu, baina, zorionez, gutxi iraun zuen, eta arratsalde partean giro ederra arnastu zen karpan eta eszenatokian. Igandean eguraldi ederra egin zuen, eta primeran aprobetxatu zuten hori, festan murgiltzeko.

Atzokoa izan zen egun handia. Misa rozieroarekin ekin zioten egunari. Rocioko ama birjina Arantzazuko Ama parrokian presente zegoela, Juan Luis Murua apaizak esandakoak adi entzun zituzten elizara bertaratutakoek. Semblante Rociero koruak girotu zuen ekitaldia. Elizatik ateratzean, kolore eztanda: dantzan hasi ziren hainbat herritar, andaluziar jantzi ederrak soinean zituztela. Hainbat minutuz aritu ziren horrela, Atsobakar aldera joateko ordua iritsi zen arte. Ama birjina gurdi batean jarri, eta kantuan eta dantzan joan ziren denak inguruan, parkera iritsi arte. Ohorezko ardoarekin egin zuten topa bertan, udal korporazioko hainbat kide bertan zirela. Goizean gelditu gabe ibili eta gero, elkarteko sukaldariek prestatutako paella goxoarekin berritu zituzten indarrak. Ongi irabazita dauka fama ona plater horrek.

Igande arratsaldea, emanaldiz lepo

Bazkalostean, digestioa egiteko, gorputzak astindu zituzten Atsobakarrera bertaratutakoek. Inguruko herrietako hainbat dantza talde eta andaluziar etxe etorri ziren Lasarte-Oriara, eta parkeko oholtza gainera igota, emanaldi ikusgarriak eskaini zituzten. Besteak beste, Semblante Andaluzeko dantza talde Zambra igo zen oholtza gainera. Euren errepertorioko koreografia ikusgarrienak taularatu eta gero, oroigarria jaso zuten, Semblanteko lehendakari Jose Mari Melladoren eskutik. Errenteriako Concha Rociera taldeak ere jaso zuen aitortza, lehenengo erromeriatik etortzen baita herrira, hutsik egin gabe. Salbe rozieroa abestu zuten pixka bat beranduago, ama birjinari agur esateko. Eta erromeria ezin hobeto ixteko, kantuan eta dantzan egin zuten berriro, eguzkia ezkutatu zen arte.

Argazki galeria

ARGAZKIAK
BIDEOAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
ODEI
Zorionak Odei. Muxu pila bat familia guztiaren partez. Asko maite zaitugu!!
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48