Ttakun kultur elkartearena den Jalgi Kafe Antzokiak berriz ere zabaldu zituen ateak bi hilabeteko etenaldiaren ostean. Hainbat berrikuntza egin dira lokalean eta aurrerantzean kudeatzaile berria izango du ere. Bart pintxo-potearekin zabaldu zituen ateak eta jende andana hurbildu zen. Ibilbide berriari hasiera emateko, Unai Muñoa eta Patxi Etxeberria aritu ziren bertsotan eta Xumela koruko kideek bi abesti eskaini zituzten.