Irudimenari etekina ateratzeko ordua
Inauteriak ospatuko dituzte asteburu honetan Lasarte-Orian. Lanbideak dira aurten aukeratuko gaia. Balkoiak telaz eta globoz apaintzeko deia egin dute, herria festa giroan nahasteko. Gaztetxoek ere izango dute bere lekua 'Inahaldunak' egitasmoan

Suhiltzaileak, mekanikoak, medikuak, erizainak, harakinak, poliziak, irakasleak, politikariak, garbitzaileak, pilotuak, dendariak, tabernariak… Lanbidez jantziko da asteburu honetan Lasarte-Oria, horixe baita Inauterietarako aukeratutako gaia. Burua astindu ondoren, iritsi da irudimenari etekina ateratzeko ordua, mozorro eta lagun artean ondo pasatzekoa. 

Atzo bertan, ostegun gizenean, ekin zioten festari. Lasarte-Oriako Musika Eskolak tradiziozko Kontzertu Bufoa eskaini zuen. Txikienek jarraituko dute festarekin, gaur bertan, ostiral mehean. Ikastetxeetan mozorrotuko dira, eta gurasoek eta beste senideek ikusi ahal izango dituzte mozorroak soinean. Eguraldiak festa errespetatzen badu behintzat. 15:20ean hasiko dute Landaberrin; Garaikoetxea eraikinean, berriz, 15:30ean; eta Sasoeta Zumaburun 15:40ean. 

Ez da ostiraleko ekitaldi bakarra izango. Ttakun Kultur Elkarteak  Inahaldunak ekimena antolatu du. Gazte Klubeko eta Kuadrillategiko lagunak Villa Mirentxun bilduko dira, 18:00etatik 21:00etara. Aisia euskaraz eskaini, eta gaztetxoen ahalduntzea bultzatzea dute helburu. Horrela, mozorro eta ikuskizun lehiaketa egingo dute. Parte hartzaileek antzerkia, dantza edo bertsoak abestuko dituzte, mozorroturik.

Larunbata konpartsen eguna izango da. Eguerdian hasiko dute festa, Okendon. Aurkezpena egin eta mozorro herri lehiaketa hasiko dute. Ondoren, karroza onena eta konpartsen mozorroak sarituko dituzte. 

Larunbata, egun handia

Sariak banatuta daudenean hasiko dira tripa betetzen. Okendon bertan herri bazkaria egingo dute. Bazkal ostean ere egongo da zer egin plazan; Super Bingoan jokatuko dute. Indarrak bilduta, 17:00etan iritsiko da kazorren desfilea egiteko garaia. Honako konpartsa hauek parte hartuko dute: Zabaleta, Zentro Zibikoa, Larramendizalez, Jalgune, Intzak Parranda, Sasoeta Sasoian eta Erketz. Herrigunetik itzuli bat egin ondoren, berriro bueltatuko dira plazara. Txokolatada izango dute han 20:00etatik aurrera. 

Astelehena ere, jai

Baina igandean ez da festa amaituko. Astelehenean Inahaldun-en beste saio bat egingo dute. Amaraun Klubeko haur eta gurasoen txanda izango da orduan, 2 eta 8 urte bitarteko haurren eta familien arteko harremana sustatzeko, 17:00etan, Villa Mirentxun.

Txus Alonso Festetako zinegotziak jakinarazi du udalak festetarako ezarritako aurrekontua; ia 23.000 euro. 11.000 inguruko dirulaguntza eman dute mozorroetarako eta karrozetarako. Beste 8.000 inguru jardueretarako eta azpiegiturarako. Azkenik, 3.600 jarri dituzte Euskal Inatuterietarako. Jesus Zaballos alkateak eskerrak eman dizkie Ttakun Kultur Elkarteari eta konpartsa guztiei, "festa dibertigarriak prestatzen"  egindako lanagatik. 

Egitaraua

Otsailak 9
15:30 Inauteri festa ikastetxeetan.
18:00 'Inahaldunak', Villa Mirentxun.

Otsailak 10
12:00 Bilkura Okendo plazan.
12:30 Konpartsen aurkezpena.
13:30 Bakarkako mozorro lehiaketa.
14:00 Karrozen eta konpartsen mozorro lehiaketa eta sari banaketa. 
14:30 Herri bazkaria, Okendon
16:30 Super Bingoa, Okendon.
17:00 Konpartsen desfilea.
20:00 Txokolatada.
23:00 Disko jaia. 

Otsailak 12
17:00 'Inahaldunak', Villa Mirentxun.

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48