Hondakinen gaia aztergai Udalbatzarrean
Lasarte-Oriako ikastetxeetako LH5 eta LH6 mailetako gaztetxoek hondakin gutxiago nola sortu landu dute aurten Agenda 21 programan. Ordezkaritza batek udal arduradunei landutako proposamenak aurkeztu dizkiete udalbatzar aretoan

Udalbatza berezia izan da Lasarte-Orian. Ez dira herriko ohiko gaiak jorratu, oraingoan gai bakarra izan da mahai gainean, hondakin gutxiago nola sortu. Agenda 21 programaren baitan gaia landu duten Lasarte-Oriako ikastetxeetako LH5 eta LH6ko haurrek ikasturtean zehar egin duten lanketa azaldu eta hainbat proposamen egin dizkiete Jesus Zaballos alkateari, Agustin Valdivia Ingurumen saileko buruari, Maite Iglesias hezkuntzako arduradunari eta Xabier Goitia Manuel Lekuona kultur etxeko kudeatzaileari.

Lehenik, ikasgeletan eta ikastetxeetan egin duten lanketa azaldu dute. Mugikortasunari buruz, aurreko urteko konpromisoak aztertu ostean, aurtengo gaiari heldu diote. Ikasle bakoitzak, ikasgelak eta ikastetxeak sortzen duen hondakina aztertu dute. Honez gain, Publizitaterik ez! pegatinak diseinatu, argazki eta marrazki lehiaketa egin eta hondakinen jolasera jokatu direla era jakitera eman diete udal ordezkariei.

Herri mailako diagnostikoa ere egin dute. Semaforoko koloreak oinarri hartuta berdez jardunbide egokiak, horiz hobetu beharrekoak eta gorriz saihestu beharreko jokabideak sailkatu dituzte. Honi esker, herrian egiteko asko dagoela ohartu direla azpimarratu dute batzarrean.

Hauek kontuan izanik dekalogo bat idatzi dute guztiek beteko dituzten gutxieneko konpromisoak aipatuz. Gaurko batzarrean aurpegi berde edo gorria erakutsiz, hauek jarraituko dituzten edo ez adierazi behar izan dute.

Honez gain, Udalari hondakin gutxiago sortzeko eta kaleak gabiago mantentzeko proposamenak luzatu dizkiete lau multzotan bereizirik: kontzientziazio kanpainak, edukiontziak, kale garbiketa eta bestelakoak.

Jesus Zaballos alkateak proposamen guztiak entzun eta udalaren ikuspegia azaldu die gaztetxoei. Besteak beste, Aste Berdean herritarrei poltsa berrerabilgarriak banatuko zaizkiela aipatu du; txakurren jabeei zuzendutako kanpaina bat aurrera eraman dela edo lur-azpiko edukiontziak mantendu edo kentzeko parte-hartze prozesu bat egingo dela jakinarazi die. Bestetik konpromiso batzuk ere hartu dituzte, hala nola, San Markos Mankomunitateari haur edo elbarritasunen bat duten pertsonei egokituak dauden edukiontziak diseinatzea posible den galdetzea.

Azkenik, gaztetxoen lana goraipatu du eta haien ikuspuntua jakitea onuragarria dela azpimarratu du. “Orain arte ez naiz konturatu, edukiontziak haur edo elbarritasunen bat duten pertsonei egokituak ez daudela,” adierazi du.

Batzar bereziari amaiera emateko talde argazkia egin da eta gaztetxoek opari bat eraman dute etxera, Aste Berdean banatuko diren poltsa berrerabilgarriak.

ARGAZKIAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48