'Hitzartu' aurkeztuko dute Lasarte-Orian
Asteazkenean, hilaren 17an, Ttakunenea elkartean aurkeztuko dute hondakinen kudeaketan herritarrek parte hartzeko ekimena. Diru bilketa kanpaina ere hasi dute: 'www. itsulapikoa.eus' webgunean egin daitezke ekarpenak

Hondakinen gatazkak Gipuzkoako gizartea astindu du, baina konponbidea aurkitzeko orain arte apenas sortu da eztabaida gunerik. Zaborren bilketaren politikak alderdi politikoek adostu dituzte, askotan gizartearen kezkak kontutan hartu gabe. Arazoa errotik konpondu nahi du Hitzartu prozesuak. Gizarte zibilak parte hartze prozesu bat bultzatu nahi du, 2017-2030 urteetarako hondakinen plan integral bat adosteko. "Prozesu hau esperimentu bat da, aukera berri bat Gipuzkoako gizartearentzat", adierazi dute ekimenaren bultzatzaileek. Lasarte-Oriako Ttakunenea elkartean aurkezpena egingo dute datorren asteazkenean, 19:00etan. Prozesua bultzatzeko crowfunding kanpaina bat hasi dute; www.itsulapikoa.eus webgunean egin daiteke ekarpena. 

Prozesuak urtebete iraungo du, eta hiru fase nagusi izango ditu. 2018ko lehen seihilekoan herritar eta eragileek hartuko dute hitza. Ahalik eta parte hartze zabalena sustatu nahi dute bultzatzaileek, gizartearen ordezkapen ahalik eta zabalena izateko. Mahai tekniko batek eta mahai sozial batek herritarren proposamenak bideratuko dituzte, etorkizuneko eszenatokiak bideratzeko. 

Mahai soziala eta teknikoa 

Mahai soziala herritar eta eragileek osatuko dute, eta haiek ekarpenak egingo dituzte. Mahai teknikoa adituez osatuta egongo da (juristak, politologoak, ekonomistak, irakasleak, osasun eremuko  profesionalak…), eta herritarren ekarpenekin erredaktatuko du plana  ondoren. Abendurako nahi dute proiektua idatzi. Azkeneko fasean lana aurkeztu, aztertu, baloratu eta oniritzia emango diote. 

Prozesuak ondorengo helburuak ditu: batetik, gizarte kohesio handiagoa lortzea. Bestetik, ingurumena eta osasuna gehiago babestea. Eta azkenik, Europako Batasuneko arauak eta politikak zorrotzago betetzea. 

EHUk diseinatuta 
Euskal Herriko Unibertsitateak diseinatu du prozesua, eta ondoko pertsonek osatzen dute berme batzordea: Pedro Ibarra EHUko katedradunak, Ernesto Ganuza CSICko zientzialaria, Juanjo Alvarez EHUko katedraduna, Garbiñe Biurrun magistratua eta Bernardo Atxaga idazleak. Pertsona horiek prozesua ikuskatu eta monitorizatu egingo dute. 

 

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
IRATI
Oso ondo pasa zure egunean 10 muxu pottolo zure familiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48