Opari asko eta ikatz gutxi utzi zuten errege magoek lasarteoriatarren etxeetan, atzo gauean. Meltxor, Gaspar eta Baltasar poz-pozik aritu ziren lanean, herritarrek emandako ongietorri beroa ikusi eta sentitu ostean. Megaba elkartea arduratu zen atzoko kabalgata antolatzeaz, urtero bezala. Zenbait berrikuntzarekin, gainera: Jalgune elkartearen karroza konpondu zuten, eta karpa berri bat jarri Antonio Mercero gunean, Jesus haurtxoari eta gurasoei harrera egiteko. Kabalgatan egoterik izan ez bazenute, lasai, argazki galerian ikus dezakezue nolakoa izan zen.

Arratsaldean zeharkatu zuten herria errege magoek, baina goizean iritsi ziren Lasarte-Oriara. Atsobakar adinekoen egoitzan dauden pertsonekin egon ziren, opariak eta irribarreak banatzen. Bazkaldu eta atseden pixka bat hartu eta gero, haurren eskutitzak jaso zituzten Brigitarren komentuan, pajeen laguntzarekin. 

18:30ean abiatu zen kabalgata, Oria auzotik. Biyak Bat egoitzan egin zuten aurreneko geldialdia, urtero legez. Pozarren jaso zuten bisita bertan zeuden adineko pertsonek. Kale Nagusia zeharkatu zuten gero, eta Brigitarren komentura abiatu. Mojak ikustera sartu aurretik, Jesus haurtxoari eta gurasoei urrea, mirra eta intsentsua eskaini zizkieten. Komentutik atera, eta Kale Nagusira berriro. Errepidea, garbi; espaloiak, jendez beteta. Zaila zen asmatzea zeintzuk zeuden ilusionatuago: haurrak, gurasoak edo aiton-amonak. Guztiek jaso zituzten gozoki pila bat, nekatu arte aritu baitziren hiru erregeak. Tajamarreko biribilgunera iritsi, eta Pablo Mutiozabal kalera jaitsi ziren gero. Geltoki kalea zeharkatu eta Okendo plazara joan ziren. Atzealdetik sartu ziren, zuzi-argi emaileek osatutako bi ilarak zeharkatuz. Jesus haurtxoarekin eta familiarekin egin zuten topo han, berriro. Eskaintza egin, eta su artifizial koloretsuak ikusi zituzten. Protokoloarekin bete, eta udaletxe berriko balkoira igo ziren, herritarrak agurtzera. Meltxorrek gaztetxo baten gutuna irakurri zuen, euskaraz. Gaztelaniaz hitz egin zuten Gasparrek eta Baltasarrek.

Kabalgatan, nekatu ordez, indarberritu egin ziren hiru erregeak, lasarteoriatarren maitasun keinuei esker. Primeran etorri zitzaien hori, gau luzea zeukatelako aurretik.

ARGAZKIAK
BIDEOAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
MAIDER
Zorionak maitia, 11 muxu pottolo gurasoen partetik. Maite zaitugu.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48