Herria sorgindu du Zabaletako Jaien akelarreak
Konturatzerako, bukatzear da asteburua, eta baita aurtengo Zabaletako Jaiak ere. Ekitaldiz ekitaldi, kontzertuz kontzertu, auzoko festen akelarre koloretsuak sorgindu egin ditu lasarteoriatarrak

Ikusi, entzun, usaindu, dastatu. Eta dibertitu. Eta gozatu. Lasarteoriatarren zentzumen guztiak dantzan jarri dituzte Zabaletako auzotarrek astean zehar. Ekintzaz betetako auzoko festak antolatu dituzte aurten ere (kanta berri eta guzti), herritarren gozamenerako. Konturatzerako, bukatzear da asteburua, eta baita jaiak ere. Dena den, akelarreko sua ez da itzuli oraindik, eta egun batzuez iraungo du zabaletarren sorginkeriak.

Proba mistoa, Jon Otaegi eta Julen Gabirondo segalarien erakustaldia eta Kukuka antzerki eta dantza eskolako ikasleen emanaldiak izan dira gaurko arretagune nagusiak. Sollane baserria, Telleri-Gain eta Zabaleta Berri izan dira aurtengo hiru taldeak. Trontzan aritu behar izan dute aurrena, txingak eramaten gero, lokotxak biltzen eta korrika. Sollane ordezkatu duten kirolariek bukatu dute aurrena: hamar minutu eta hamaika segundo behar izan dituzte lana bukatzeko. Bederatzi segundo gehiago behar izan ditu Telleri-Gainek, eta hemezortzi Zabaleta Berrik. Hori baino lehen, ederki aritu dira segan Jon Otaegi eta Julen Gabirondo. Gutxigatik, baina Otaegi gaztea gailendu da. Goiza ixteko, proba mistoa bukatu bezain pronto, omenaldi hunkigarria jaso du Imanol Jimenez zenaren familiak, Antonio Blas plazako oholtza gainean. 

Gaur goizeko ekitaldiak hasi direnean, oraindik bazen gaupaserorik Zabaletan. Parranda ederra egin dute hainbat herritarrek. The Lobsters taldearen eskutik rock doinu ezagunak abestu dituzte, dantza egin dute gero Joxpa erromeriarekin, eta are gehiago Terexa DJarekin. Hainbat zabaletarrek akelarre ikusgarria ere eskaini zuten atzo gauerdian, herri afaritik altxa eta berehala.

Eleno eta Illarramendi garaile V. Sorgin Krosean

Larunbat goizean korrikalariz bete zen auzoa, aurten bosgarrenez. Berrogeita hamar bat pertsonak hartu zuten parte Sorgin Krosean. Andoni Illarramendik eta Anabel Elenok irabazi zuten. 22:15eko denbora egin zuen Illarramendik, eta 27:05ekoa Elenok. Jon Presak, Gorka Gilek, Izaskun Salazarrek eta Mertxe Casasek bete zituzten podiumak.

Ostiral arratsaldetik, Teresa Sorgiña auzora jaitsi zenetik, etenik gabekoa izan da festa giro alai eta koloretsua. Bukatu berri dira festak, eta atseden hartzea tokatzen da orain, baina aurtengo jaien arrakasta ikusita, are gogo gehiagoz hasiko dira datorren urtekoak prestatzen.

Argazki galeria

ARGAZKIAK
BIDEOAK
blog comments powered by Disqus
OHARRAK
  • San Silvestre boluntario bila
    Iaz parte hartu zuten 90 boluntarioei eskerrak eman dizkie San Silvestre lasterketako antolakuntzak. Era berean, herritarrak animatu nahi ditu aurtengo edizioan laguntzera. "Boluntario-lana erraza da eta denbora-tarte laburrekoa. Zure laguntza oso garrantzitsua da eta talde-lan ederrean parte hartzeko aukera izan dezakezu. Animatu eta jar zaitez gurekin harremanetan horretarako dugun San Silvestre Lasarte-Oria facebook-eko perfilean edo info@sansilvestrelasarteoria.com".
  • Korrikako postua San Tomasetan
    Abenduaren 21ean, San Tomas azokan, 21. KORRIKAko arropen postua jarriko du Lasarte-Oriako Muntteri-AEK euskaltegiak, 18:00tik 20:00ra, Okendo enparantzan.
  • Ostadarrek hasi du bazkidetza kanpaina
    2019. urteko bazkidetza kanpaina hasi du Ostadar SKTk. Hainbat kuota dituzte, adinaren arabera. Kirol proiektua laguntzen dutenek hainbat abantaila eta deskontu dituzte Ostadarren ekitaldietan. Informazio gehiago http://www.ostadarskt.eus/ webgunean.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
GORKA ETA UNAI
Zorionak Gorka eta Unai aiton-amonen partetik. Muxu pila bat polit horiek
AZKEN PDFa
1444 ( Abenduak 14 )
GUARDIAKO FARMAZIAK
Orue ( Asteazkena)
Jaizkibel plaza 2
Tel: 943 362652
ASTEA
    • Acha-Orbea ( Osteguna )
      Hipodromo etorbidea 6
      943 363549
    • Lasa ( Ostirala )
      Kale Nagusia 42 atzea
      943 361774
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Gandarias-Uribe ( Astelehena )
      Iñigo de Loyola 9
      943 019521
    • Gandarias-Uribe ( Asteartea )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48