Nork ez ditu gustuko larunbatak? Izan ere, zenbat gauza egin daitezke egun horietan? Nahi adina lo egin, dantzatu, abestu, magia jokoak egin, telebista ikusi, gehiago dantzatu, berriz ere abestu... Eta, noski, Jalguneko urteko jaialdian dibertitu. Hemen argazki galeria. 

Larunbat honetan egin dute elkarteko kideek urteroko jaialdia, eta, hain zuzen, asteburuko egun horri gorazarre egiteko erabili dute. Erakutsi dute zergatik gustatzen zaizkien bereziki asteko egun horiek. Jalgunen elkartzen direlako denak, kide eta begiraleak, bazkal ostean. Ongi pasatzeko eta aisiaz gozatzeko bakarrik ez, beste gauza asko ere egiten dituzte. Joxerra Gonzalezek argi azaldu du: elkarri laguntzen ikasten dute, bakoitzak gaitasun desberdinak izan arren, denak berdinak direlako. "Etiketak alde batera uzten badituzue, ezuste politak hartuko dituzue", ohartarazi die ikus-entzuleei.

Halaxe izan baita aurten ere jaialdia; ezuste atsegin bat bestearen atzetik. Berriro ere txiki geratu zaie kultur etxeko oholtza; sarrera guztiak agortuta, eta ilara luzea ikuskizuna ikusteko.

Dantzatzeko trebetasuna erakusteko irrikaz, izerdi patsetan bukatu du batek baino gehiagok. Errepertorio luzea dute Jalgunen. Sevillanak, Semblante Andaluzen laguntzarekin. Euskal abestiak, Zabaleta Auzolanekoekin. Eta boladan dauden beste hamaika kantu, Operación Triunfo-koak barne. 

Halere, dena ez da musika izan. Bideo batzuk ere tartekatu dituzte, galdera batzuei erantzuteko. Ezin ukatu zintzo erantzun ez dutenik. Zer egingo zenuke diru-zorroa kalean aurkituz gero? "Etxera eraman, eltxetxoan sartzeko". Amodioa, adiskidetasuna, generoa eta eguneroko beste kontuak ere izan dituzte hizpide. 

Urte osoan Lasarte-Oriako bizitza sozialean parte hartzen du Jalgunek: inauterietan, Rocioko erromerian, Lasarte-Oria Bai! krosean, udaberri festan, Zabaleko jaietan… "Gaur egun Jalgunerekin edozer gauza egin dezaket, Lasarte-Oriak eskaini egiten didalako", esan du Gonzalezek. Horrexegatik gustatzen zaizkio larunbatak: "Jalgunen ez gara desberdinak, talde bat gara. Txapeldunez osatutako talde bat. Eta podiuma partekatzen dugu Lasarte-Oriako herritarrekin. Larunbatak gustatzen zaizkigu, baina batez ere, konpainiagatik”.

ARGAZKIAK
BIDEOAK
blog comments powered by Disqus
OHARRAK
  • San Tomaseko postua
    Abendua gertu dugu, eta Ttakun elkarteko Kultura saila San Tomas eguneko azoka prestatzen hasi da. Arratsaldez egingo da azoka; postua jarri nahi duten herritar edo elkarteek abenduaren 15a baino lehen eskaera egin behar dute. Bi baldintza bete behar dituzte: batetik, eguneko giroan txertatzea, hau da, baserritarrez jantzia joatea. Bestetik, harrera euskaraz egitea. Izen ematea egiteko kultura@ttakun.com helbidera mezua bidali behar dute interesatuek; elkartearen izena edo taldearen arduradunaren izena eman behar da. Kultura saileko arduraduna ahal duen azkarren jarriko da harremanetan interesatuekin.
  • Beltzak taldeko zestoa
    Beltzak Errugbi Eskolako zesto handia abenduaren 21ean zozketatuko dute, ONCEko zozketaren azken lau zenbakiekin. Errifak taberna laguntzailetan daude.
  • Erketzen Eguberri errondako entseguak
    Erketz EDT taldea abenduaren 24ean herriko baserrietatik kantari irtengo da. Hitzordua prestatzeko bi entsaio egingo ditu abenduaren 13 eta 20an 20:00etan taldeko lokalean, KZgune ohia..
ZORION AGURRAK
JON
Zorionak Jon. Gure etxeko txikiak bi urte bete ditu. Asko maite zaitugu!!!! Muxu erraldoi bat.
AZKEN PDFa
1443 ( Azaroak 30 )
GUARDIAKO FARMAZIAK
Urbistondo ( Asteazkena)
San Frantzisko 1
Tel: 943 366567
ASTEA
    • Gil ( Osteguna )
      Kale Nagusia 24
      943 361529
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • Urbistondo ( Astelehena )
      San Frantzisko 1
      943 366567
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48