Goiegi jatetxearen azken egunak 67 urte eta gero
Maiatzaren 28an itxiko ditu ateak Lasarte-Oriako Goiegi jatetxeak. Aitziber Martiarena eta Juan Luis Eizmendirekin izan gara urte guzti hauetako errepasoa egiteko

Hiru belaunaldi eta 67 urte ondoren, igandean izango da Goiegi jatetxean egin ahalko den azken otordua. 

1950. urtean hasi zen gaur egun arte iraun duen jatetxea, baina 1610. urtean sortutako baserrian hasi zen historia. Aitziber eta Juan Luisen amona gazte alargundu ondoren, etxeko gelak alokatzen hasi zen 6 seme-alabak aurrera atera ahal izateko; barrez komentatu izan diote Juan Luisi 'Portugal' izenez ezagutzen zen gela bitxian izandakoak zirela herritar batzuk. Amona Donostiako etxe batean eta Lasarte-Oriako golf kluban izandako lanaldian trebatu zen sukaldaritzan 13 urte zituenetik, eta hasiera batean, 50. hamar-
kadan, bakailao kazola izan zen Goiegiko izarra; gaur egun ez bezala, bezeroek beren haragia eramaten zuten jatetxera, bertako parrilan egiteko, eta amonak edaria eta bakailaoa kobratzen zien. Ostalaritza asko aldatu da urte guzti hauetan eta Goiegik ederki jakin du egokitzen; arraroa dirudien arren, eguneko menuen eskaintza berria da ostalaritzan eta Lasarte-Oriako Institutua ireki zenean hasi zen Goiegi eguneko menua kontzeptua barneratzen bertako irakasleei egunero jaten emanez.

Urte guzti hauetan izandako jardueran, Goiegi sagardotegia ere izan zen. Baserriak tolare bat zuen ondoren sua hartu zuen alderdian. Garai hartako Lasarte-Orian zeuden 11 sagardotegien artean zen Goiegi. Bertako produkzioa baserrian zituzten sagastiekin eta inguruko baserritako sagarrekin egiten zen, ondoren ekoizpenaren parte baten truke. 

1986. urtean berreraikitze lanak egin ziren, gaur egun ezagutzen dugun Goiegi bihurtuz. Juan Luisek gogoratu du, jatetxeak eta Lasarte-Oriako udalerriak adin berdina dutela, eta San Pedro jaietan ireki zutela Goiegi berria. 31 urte daramatza, beraz, gaur egungo jatetxeak lasar-teoriatarren artean. 

Aitziberrek dioen bezala, geroz eta gutxiago dira Goiegik duen eskaintzaren pareko jatetxeak herrian eta inguruan: jatetxe handiak, lehen mailako produktuak, eta kalitatezko zerbitzua. Azken egun hauetan jende ugari izan da jatetxean azken jatordurako erreserba egiteko, baina batez ere, eskerrak emateko. 

Aitziber eta Juan Luisek komentatu dutenez, itxiera berriaren aurrean herritik jasotako mezua guztiz positiboa izan da. Hasiera batean, zurrumurruak zabaldu zirenean, harriduraz gerturatzen zen jendea, ezin sinisturik. Erabakia hartu zenean eta amaiera ofiziala egin  zenean, berriz, esker ona besterik ez dute jaso. 

Amonaren hasieretatik eta gaur egungo Goiegi izan arte, beraientzat etxeko gertakari bihurtu dira urte guzti hauetan izandako bizipenak eta pena handiz agurtuko dutela diote. 67 urte hauetan bezero asko eta langile asko izan dira Goiegiren parte eta guzti hauei eskerrak eman nahi dizkiete Aitziber eta Juan Luisek Goiegiren izenean. 

ARGAZKIAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
PILI
Zorionak! Make up saioa prestatzen hasi parrandarako! Txintxoa izan! Ttakuneko lankideak.
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48