Erraustegia eraikitzeko lanak hasi dira, baina herriko eragileek mobilizatzen jarraitzen dute, azpiegiturak inguruan ahalik eta kalte gutxien sor dezan. Lasarte-Oriako Aire Garbiak deituta, sinadura bilketa hasi dute, udalari eskatzeko erraustegiak behar dituen goi tentsioko linearako baimenik eman ez dezan. Hain juxtu, udaletxe atarian azaldu dituzte horretarako arrazoiak. 

Aire Garbiako Ricardo Ortegak aurkeztu du ekitaldia, eta Landaberri Gurasoen Elkarteko Miren Zalduak eta LABeko Jon Martinek irakurri dute manifestua. 
Hondakinak erreko dituen egiturak funtzionatu dezan, ezinbestekoa da 132 kilovoltioko linea konektatzea. Horretarako, linea orokorrarekin lotu behar da, Hernani-Azpeitiakoaren arteko adar baten bidez.

Landa eremuetatik barrena
Gipuzkoako Hondakinen Kontsortzioaren aurreikuspenen arabera, Lasarte-Oriako lurzoru eraikiezinetatik pasako da linea, eta zazpi dorre eraikiko dituzte,  horietako bost Babes Bereziko Landa eremuetan. Lurra mugitu, zuhaitzak moztu, landaredia desagerrarazi eta lurzorua okupatu beharko dute horretarako, besteak beste. Ondorioz, ingurunearen pasaia ezinbestez aldatuko da. 

Zuhaitz autoktonoen eremuetatik hurbil eraiki nahi dituzte dorre horiek. Haritzak, haltzak, gaztainondoak, lizarrak pagoak, hurritzak, elori zuriak, gorostiak, elorri beltzak... dauden lekuan.   "Zuhaitzak mozteak eragin larri eta errekuperaezina ekarriko luke, ez bakarrik landarediaren ikuspegitik, baita bertako faunaren ikuspegitik. Eragin paisajistikoa ahaztu gabe; azpiegitura iraun bitartean luzatuko da", adierazi du Zalduak. Gainera, zuhaizti horiek dira Lasarte-Oriak dituen bakarrenetarikoak. 

Erraustegiaren aurkako mobilizazioa handia da herrian, azken urteetan ekitaldi asko eta jendetsuak antolatu baitituzte. Zalduak ohartarazi duenez, Jesus Zaballos alkateak berak "behin baino gehiagotan" onartu du herritarren gehiengoa proiektu horren kontra dagoela. "Alkate jaunak esan izan du lasarteoriatar guztien alkatea dela, eta guztiei zor diela bere burua, eta, horregatik, gehiengoaren nahia beteko duela, nahiz eta bestelako iritzia eduki berak". 

Hain zuzen, sinatzaileek eskatu diote alkateari "hitza betetzeko". Alegia, udalaren jabetzako lurzoruetan goi tentsioko linea pasatzeko baimenik ez emateko, eta linea egiteko lanen lizentzia ukatzeko. 

ARGAZKIAK
BIDEOAK
blog comments powered by Disqus
OHARRAK
  • Biyak Baten txangoa
    Biyak-Bat erretiratuen elkarteak irailaren 26an Fríasera, Burgosera irteera antolatu du. Autobusa 8:00etan aterako da elkarte aurretik. Fríasen Erdi Aroko ibilbide gidatua egingo da. Honetan gaztelua eta eliza ezagutuko dituzte irteeran izena ematen dutenek. Bazkaria Ortiz jatetxean izango da. Izena ematea irailaren 17an, astelehena irekiko da. Astelehenetik ostiralera goizeko 10:30etik 12:30era dago izena emateko aukera elkarteko bulegoan. Bazkideek 35 euro ordaindu behar dituzte; bazkide ez direnek, berriz, 45 euro.
  • Adineko pertsonen omenaldiko bazkaria
    Adineko pertsonen omenaldi astearen barruan, urriaren 7an, igandea, bazkaria antolatu dute Michelingo Kirol gunean. 500 pertsonentzako lekua dago. Irailaren 5ean, asteazkenean, irekiko da txartelak eskuratzeko epea eta irailaren 25ean amaituko da. Biyak Bat elkarteko bulegoan goizez 10:30etik 12:30era egingo da banaketa eta 8 euro balio dituzte. Antolatzaileek eskudirutan ordaindu behar dela gogorarazten dute. Bazkariaz gozatu ahal izateko baldintzak Lasarte-Orian erroldatua egotea eta 1953 urtean edo lehenago jaioa izatea dira. Salbuespen dira 1953 urtearen ondoren jaiotako bikotekideak. Lasarte-Orian erroldatuak ez badaude, gainera, 29,15 euro ordaindu beharko dituzte.
  • Kiroldegiko neguko ordutegia
    Herriko kirol instalazioetan neguko ordutegia indarrean dago irailaren 1etik. Kiroldegia astelehenetik ostiralera 7:00etatik 22:30era egongo da irekia. Larunbatetan, 9:00etan irekiko ditu ateak eta 20:00etan itxi eta igandetan berriz, goizez soilik erabili ahalko dira instalazioak 9:00etatik 13:00etara. Kirol Guneko erabilera ordutegia astelehenetik ostiralera 15:30etatik 22:30era da. Larunbatetan goiz eta arratsaldez egongo da irekia, 9:00etatik 20:00etara eta igandetan kiroldegiaren antzera, goizez 9:00etatik 13:00etara.
ZORION AGURRAK
NAHIA ETA MIREN
7 muxu potolo aitatxo eta amatxoren partetik!
AZKEN PDFa
1433 ( Irailak 14 )
GUARDIAKO FARMAZIAK
Lasa ( Osteguna)
Kale Nagusia 42 atzea
Tel: 943 361774
ASTEA
    • Gil ( Ostirala )
      Kale Nagusia 24
      943 361529
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Acha-Orbea ( Astelehena )
      Hipodromo etorbidea 6
      943 363549
    • Urbistondo ( Asteartea )
      San Frantzisko 1
      943 366567
    • Gandarias-Uribe ( Asteazkena )
      Iñigo de Loyola 9
      943 019521
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48