Giro bikaina Rocioko erromerian
Semblante Andaluzeko kideak beste asteburu batez alaitu dute herria. Oraingo honetan Rocioko Erromeriaren 24. edizioa ospatu dute. Dantza, umore ona, musika eta jaki goxoak izan dira protagonista Atsobakarreko parkean.

Urtero bezala, 'Salve Rociera' abestuz bukatu dute Rocioko erromeria Semblante Andaluzeko kideek, inguruko herrietatik etorritako elkarteek eta Atsobakarrera gerturatu diren herritar guztiek. 24. urtez ospatu dute ekitaldi berezi hori.

Atzo eguerdiko hamabietan Atsobakarreko gunea ireki zutenetik, musika, dantza eta umore ona ez dira falta izan. Hamaika ekitaldiz osatutako egitarauarekin primeran pasa dute herritarrek eta antolatzaileek. Atzo eta gaur eszenatoki gainera igo dira Semblante Andaluz bertako hainbat talde, ume zein helduenak, eta baita inguruko herrietatik etorritakoenak ere: Andoaingo Zuena, Oreretako Concha Rociera eta Aljarafe, Amaia Gonzalez Caballero herritarraren dantza ikasleak, Irungo Embrujo eta beste hainbat.

Rocioko Ama Birjina kaleetan

Asteburuko ekitaldi jendetsuena, ordea, gaur eguerdikoa izan da. On Ramon Uribe-Etxebarria apaizak eman du hamabietako meza Arantzazuko Ama Parrokian. Parte hartu dute baita ere Semblante Rociero koruak eta Alazne Gonzalez eta Sara Prietok gidatutako Gitanillas del Alba eta Duende dantza taldeek. 

Horren ostean, kalera atera dira meza entzun dutenak, eta baita Rocioko Ama Birjina ere. Parrokiatik Kale Nagusi osoa zeharkatu dute, zenbait geldialdi eginez, gero Atsobakarrera abiatzeko. Ordubietan iritsi dira festa-gunera. Bertan zain zeuden horrezkero udal ordezkariak, ohorezko ardoarekin topa egiteko. Bapo bazkaldu dute gero: plateretan, haragi-paella goxoa.

Ekitaldiek arratsaldean jarraitu dute. Hango eta hemengo taldeak igo dira oholtzara. Tartean, garai batean Semblante Andaluzen dantza egindakoak. Hainbat urte eta gero berriro sentitu dira dantzari. Ez zetorren egitarauan, baina ondo prestatuta zegoen: Mari Carmen Vegas dantzariak omenaldi beroa jaso du oholtza gainean, hainbat urtez andaluziar dantzekin egindako lanagatik. Hunkituta zegoen Vegas. Eta, asteburua ixteko, gaueko bederatziak aldera, 'Salve Rociera' abestu dute bertaratutako guztiek. Datorren urtean, gehiago; hobeto ere bai agian, baina zaila izango da.

Asteburuko argazkiekin osatutako galeria

ARGAZKIAK
BIDEOAK
blog comments powered by Disqus
OHARRAK
  • Odol ateratzea
    Hilabeteko azken astelehenean, ekaianren 25an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
  • Ostadar Futbol Eskola
    Datorren urterako Ostadarreko futbol eskolan parte hartzeko izena-emateko epea irekita izango da ekainak 11tik 22ra bitartean, arratsaldeko 18:00tik 20:00ra, Klubeko bulegoan. 2008-2009-2010 urteko neska mutilak, edonor apuntatu daiteke Lasarte-Oriakoa izan da. Kirol arroparentzako taila hartuko da
ZORION AGURRAK
LOREA
Zorionak printzesa zure zazpigarren urtebetzean, aitatxo, amatxo, eta Oihanaren partez. Asko maite zaitugu!!!
AZKEN PDFa
1426 ( Ekainak 15 )
GUARDIAKO FARMAZIAK
Orue ( Osteguna)
Jaizkibel plaza 2
Tel: 943 362652
ASTEA
    • De Miguel ( Ostirala )
      Kale Nagusia 32
      943 371151
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    • Acha-Orbea ( Asteazkena )
      Hipodromo etorbidea 6
      943 363549
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48