Gazteri sailak ikastaro puntualak eskainiko ditu
Kultura eta Gazteria saileko ikastaroak ezagutzera eman dituzte Txus Alonso Gazteria saileko zinegotziak, Kultura zinegotzi Maite Iglesiasek eta Iker Tolosa Manuel Lekuona kultur etxeko kudeatzaileak.

Hiruhileko honetan Lasarte-Oriako heldu, zein gazteek hainbat gaietan sakontzeko aukera izango dute Manuel Lekuona kultur etxean eta Gaztelekuan eskainiko diren ikastaroei esker. 

Manuel Lekuonan helduei zuzendutako lau ikastaro eskainiko dira urtarrila eta martxoa bitartean: Erromanikoa Donejakue bidean, Nutrizioa, Hobeto bizitzeko teknikak eta Marrazketa

Maite Iglesiasek azaldu duenez, Nutrizio ikastaroak oso harrera ona izan zuen aurreko hiruhilekoan eta jarraipena emango zaio. Hobeto bizitzeko teknikak ikastaroari dagokionez, bizitzari modu positiboan aurre egiteko tresnak erakusten direla aipatu du eta Marrazketa ikastaroan marrazteko oinarriak erakusten direla azpimarratu du.

Urte osoko ikastaro bat ere izango da, egur taila. Ikastaro hau otsailaren 5ean hasiko da eta azaroan amaituko da.

Izena emateak urtarrilaren 8tik eta 19ra arte egingo dira Manuel Lekuonan.

Formatoa moldatu

Berrikuntzarik aipagarriena, gazteria sailean dago. Txus Alonsok adierazi duenez: "hiruhileko ikastaroetara ez zuen ia gazterik izena ematen. Horregatik formatuak eraldaketa behar zuela ikusi dugu eta ikastaro puntualak eta doakoak egingo dira".

Hiruhileko honetan, beraz, Inauterietarako makillaje eta karakterizazio ikastaroa eskainiko da. Hori 12 eta 18 urte arteko gazteei zuzendua dago eta bi saio izango ditu bata urtarrilaren 26an eta bestea otsailaren 2an, arratsaldeko 18:00etatik 20:00etara.

Udal ordezkariek jakitera eman dutenez makillajeaz aparte, beste materialekin lan egingo da, latesa edo odol artifiziala, esate baterako.

Parte hartzeko izena eman beharko da. Inskripzioa Gaztelekuan egingo da urtarrilaren 15a eta 25a bitartean.

Honez gain, eskola laguntza zerbitzua ostegunetan 17:30etik 19:30era martxan dagoela gogora ekarri dute.

Ikastaroei buruzko informazio gehiago Manuel Lekuona kultur etxean, Gaztelekuan edo udalaren web gunean dago eskuragarri.

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
ARATZ
Zorionak txapeldun!! Primeran pasa zure egunean. 9 muxu haundi ama, aita eta Aiurren partetik.
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      IƱigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48