Eguberrietako Haur Parkea, martxan
Herriko gaztetxoek primeran pasatzeko aukera paregabea daukate Michelinen: Eguberrietako Haur Parkea abenduaren 31ra arte egongo da irekita

Eguberrietako festetan oporrak eduki ohi dituzte etxeko gazteenek. Aspertzeko tarterik ez dute edukiko, ordea, Gabonetako Haur Parkea irekita egongo baita egun hauetan, hilaren 31ra arte. Goizetan, 11:00etatik 14:00etara irekiko ditu ateak Michelingo guneak; arratsaldetan, 17:00etatik 20:00etara. Abenduaren 24an eta 31n goizez bakarrik egongo da zabalik, eta, 25ean, itxita egun osoan. Michelingoa da gune nagusia, baina ez bakarra: familientzako bitarteko karpa jarri dute Oria auzoan.

Atzo arratsaldean inauguratu zuten aurtengo parkea. Arduradunez gain, udal gobernuko hainbat kide ere gerturatu ziren Michelinera, Jesus Zaballos alkatea tartean zela. Michelingo gunera sartzearen truke, euro bat ordaindu beharko dute pertsona helduek; doan sartuko dira haurrak.

Emanaldi bereziak

Parkean bertan dauden jarduerez gain, emanaldi berezi batzuk ere prestatu dituzte antolatzaileek. Datorren asteazkenean, hilak 27, arratsaldeko zazpietan, Begira festa antzerkiaz gozatu ahalko dute herritarrek. 30ean ere, antzerki emanaldi bat: Patata tropikala. 31n, azken egunean, itxiera ekitaldi berezia programatu dute: agurra dantzatu, eta joko batzuk egingo dituzte.

 

ARGAZKIAK
blog comments powered by Disqus
OHARRAK
  • Hernani bidea itxiko dute
    Aurrera doaz Zabaleta Berriko lanak. Jarraitzeko, ordea, Hernaniko bidea itxiko dute. Lanen zuzendariak Txintxarri-ri azaldu dionez, hurrengo astetik aurrera itxiko dute bide hori. Hain zuzen, Pepenea baserria eta Hernaniko muga bitartean egongo da itxita. Baimena eskatu dute dagoeneko udalean, eta jaso bezain pronto itxiko dute errepidea. Ondorioz, astelehenean edo, beranduenez, asteartean ezin izango da errepide hori erabili. Bide alternatiboak jakinarazteko seinaleak jarriko dituzte. Hilabete pare bat behintzat egongo da itxita. Lanetako zuzendariak azaldu duenez, baimena iraila bukaera arte eskatu dute, baina litekeena da lehenago amaitzea.
AZKEN PDFa
1429 ( Uztailak 13 )
GUARDIAKO FARMAZIAK
Urbistondo ( Osteguna)
San Frantzisko 1
Tel: 943 366567
ASTEA
    • Orue ( Ostirala )
      Jaizkibel plaza 2
      943 362652
    • Acha-Orbea ( Larunbata )
      Hipodromo etorbidea 6
      943 363549
    • Acha-Orbea ( Igandea )
      Hipodromo etorbidea 6
      943 363549
    • De Miguel ( Astelehena )
      Kale Nagusia 32
      943 371151
    • Lasa ( Asteartea )
      Kale Nagusia 42 atzea
      943 361774
    • Gil ( Asteazkena )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48