Brigidatarren komentua lepo bete da Alboka Abesbatzaren Gabonetako kontzertua entzuteko. Eliz abestiak eta gabon doinuak nagusi izan dira emanaldian. Abesbatzak eskerrak eman dizkie bazkideei haien laguntzarengatik eta bazkideen artean zozketatutako bi sari banatu dituzte. Kontzertuari amaiera emateko ikusleak gonbidatu dituzte, Hator, hator abestera.