Extremaduraren jaieguna, 40. urteurrenean
Extremaduratik etorritakoen bilgune da Ama Guadalupekoa elkartea. Orain 40 urte sortu zuten, Lasarte-Orian jaioterriko ohiturei eusteko. Asteburu berezia dute aurretik

Herri mina norberak barruan daraman sentimendua da. Ez du sekula alde egiten, baina  zama hori arindu egin ohi da egoera berean dauden herrikideen konpainian. Extremaduratik etorrita egin dute lasarteoriatar askok bizitza herrian, baina ez dute inoiz ahaztuko haien jatorria. Ezta ohiturak ere. Orain 40 urte sortu zuten Ama Guadalupekoa Extremadura Etxea elkartea, hain zuzen jaioterriko ohitura horiei eusteko Lasarte-Orian bertan. Urtero antolatzen duten festa berezia hasiko dute gaur: Extremadurako eguna, Guadalupeko Ama Birjina zaindariaren eguna. 

Otsailean bete zuen elkarteak  40 urte; 1978eko otsailaren 17an sortu zuten elkartea. Ordutik Extremaduratik iritsitakoen bilgune izan da. Baina asko zabaldu da sarea. "Haien seme-alabak eta senitartekoak ere badaude elkartean. Horiek ere nahi dituzte haien sustraiak gorde", azaldu du Angel Barrerak. "Ni adibidez ez naiz Extremadurakoa, hemen jaioa naiz. Baina beste askok bezala, harreman handia dut Extremadurarekin, urtean bizpahiru alditan joaten naiz familia bisitatzera". 

Beti zaintzen dute Extremaduraren eguna, baina aurten are arreta gehiago jarri dute. "Los Cabales taldea ekarri dugu Extremaduratik. Agian hemen ez dira horren ezagunak, baina oso onak dira, eta oso famatuak han". Gaur bertan joko dute, 23:00etan. 

Musika eta dantza

Baina dantza eta musikaz aparte, bada beste osagai garrantzitsu bat elkarteko bazkideentzat: gastronomia. Urtean zehar Lasarte-Orian egiten diren ekitaldietan ematen dituzte probatzera miga famatuak. 
Asteburu honetan ere ez da jatekoa faltako. Migez gainera, izango da aukera Extremadurako jaki tipikoak jateko: kozidoa eta paella. Horrez gainera, larunbatean egingo dute elkartean bazkideen afari ofiziala. Garrantzitsuak dira ekintza horiek, ohiturak ez galtzeko eta ordu batzuez herrimina apaltzeko. 

Egitaraua

Irailaren 7a, ostirala

18:00etan, txosnaren irekiera, Jaizkibel plazan

19:00etan, Oaintxe in deu txaranga Sasoetako kaleetatik

21:00etan, bandera igoera, Extremadura etxean

21:15ean, Extremadurako eltzekada, Extremadura etxean

23:00etan, Los Cabales taldearen emanaldia

01:00etan, Extremadurako migak

Irailaren 8a, larunbata

10:30ean, pintura lehiaketa, 2kn okindegi-kafetegian

11:30ean, haur-jolas eta tailerrak, Jaizkibel plaza

12:00etan, extremadurar meza Ecos de Monfragüe taldeak lagunduta, Extremadura etxea

14:00etan, herri bazkaria (paella jana), Jaizkibel plaza

17:00etan, txokolatada haurrentzat

19:00etan, Nafarroako extremadurar etxeko Brotes y Raices koru eta dantza taldearen emanaldia

21:00etan, bazkideen afaria

23:00etan, dantzaldia Ibai Berriak taldean eskutik

Irailaren 9an, igandea

12:00etan, Duende, Gitanillas eta Zambra andaluziar dantza taldeen emanaldia, Jaizkibel plaza

14:30ean, Extremadurako arkumeki-gisatua

18:00etan, 18 urtetik gorakoentzat bola-joko txapelketa

20:00etan, jaien amaiera eta bandera jaistea

ARGAZKIAK
blog comments powered by Disqus
OHARRAK
  • Haurrei lehen sorospenak egiteko ikastaroa
    Gurutze Gorriak umetxo eta haurrei oinarrizko lehen sorospen ikastaro egiteko ikastaroa antolatu du otsailaren 2 eta 3an. Saioak 9:00etatik 14:00etara izango dira Lasarte-Oriako Gurutze Gorriko ikasgelan. 10 orduko ikastaroa da eta helduak zein haurrak edozein egoeratan sorosten irakatsiko da. Prezioa 45 eurokoa da eta plazak mugatuak dira. Izena emateko edo ikastaroari buruz informazio gehiago jasotzeko bidali mezua lasarte@cruzroja.es helbidera edo deitu 607 573 335 telefono zenbakira.
  • Igerilekua itxita larunbatea
    Igeriketa txapelketa dela eta, datorren larunbatean, urtarrilak 19, arratsaldez, Udal Igerilekua erabiltzaile ororentzat itxita egongo da. Udal kirol instalazioetako abonamendua dutenek Andoaingo Igerilekuak erabili ahal izango dituzte.
  • II. Bidaien diaporama lehiaketa
    Urnietako Gazte Informazio puntuak II. Bidaien diaporama lehiaketa jarri du abian. Lehen sarituak 300 euro eskuratuko ditu. Buruntzaldeako udaletako gazteek parte hartu dezakete, betiere, 2003 urtea baino lehenago jaiotakoak badira. Diaporamak 2011 urte ondorengo bidai bati buruzkoa izan behar du. Ikus-entzunezko materialarekin osatuko da eta 30-45 minutuko ahozko aurkezpena izango du. Aurkezpenak banaka edo taldean egingo dira. Taldeko gehienez 4 parte hartzaile izango dira. Izena emateko eta lanak aurkezteko epea urtarrilaren 25ean amaituko da. Izena ematea Lekaio kultur etxean, zein Gazte Informazio Puntuan edo Urnietako udalaren webgunean egin daiteke.
  • Meka Leku - Memoria liburua
    Aurten, 2019an, Meka Leku akademiak 25 urte betetzen ditu ateak lehen aldiz zabaldu zituenetik. Ospatzeko, hainbat ekitaldiren artean, 'Memoria' liburu bat sortu nahi du, Meka Lekuko ikasle ohien esperientziak, bitxikeriak edo pasadizoak biltzen dituena. Horretarako, honako posta elektronikoa ireki du: nimekalekun@gmail.com. Anima zaitez, eta kontatu nahi duzuna; zure oroitzapenak, bitxikeriaren bat... ahaztu ez duzun zerbait, ikasitakoa.
  • Biyak Bat elkartea Parisera
    Biyak Bat elkartea bidaia antolatu du Parisera, maiatzaren 28tik ekainaren 4ra arte. Elkarteko bazkideek 800 euro ordaindu beharko dituzte eta bazkide ez direnek, 875 euro. Plazaren erreserba egitea 200 euro balio du. Izena ematea abenduaren 26an irekiko da. Elkarteko bulegoan izena eman behar da, 10:00etatik 12:30era.
ZORION AGURRAK
BEÑAT
Zorionak politta! Bi muxu handi familia guztiaren partetik!
AZKEN PDFa
1448 ( Urtarrilak 18 )
GUARDIAKO FARMAZIAK
Orue ( Ostirala)
Jaizkibel plaza 2
Tel: 943 362652
ASTEA
    • Lasa ( Larunbata )
      Kale Nagusia 42 atzea
      943 361774
    • Lasa ( Igandea )
      Kale Nagusia 42 atzea
      943 361774
    • Urbistondo ( Astelehena )
      San Frantzisko 1
      943 366567
    • Gandarias-Uribe ( Asteartea )
      Iñigo de Loyola 9
      943 019521
    • Orue ( Asteazkena )
      Jaizkibel plaza 2
      943 362652
    • De Miguel ( Osteguna )
      Kale Nagusia 32
      943 371151
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48