Euskal dantza sorta, herriko festen aurrekari
Urtean zehar behin eta berriz landutako dantzak plazaratu ditu Erketz EDTk Okendo plazan, larunbatean. Gipuzkoako dantzak, Zuberoakoak, Erronkariko ttun-ttuna, Lapurdiko Ihauteria, Erketz Txikiko kideen emanaldiak... Ez da ezer falta izan.

Erketz EDT taldeko kideak prest daude San Pedro jaietarako. Duela hiru aste bezala, euren errepertorioko dantza onenak eskaini zituzten Okendo plazan. Eguraldi ona aprobetxatuz bat baino gehiagok egin zituen planak herritik kanpora joateko, baina, hala ere, ikusle ugari gerturatu ziren emanaldiaz gozatzera.

Haur, gazte zein heldu, makina bat herritar (20 Erketz Txikin, 25 Erketzen eta 16 helduen taldean) elkartzen dira astero entseguetan, euskal dantzen teknikak ikasteko. Asteburuan erakutsi dute fruituak eman dituela urtean zehar egindako ahaleginak. Hogeita hamar emanaldi ingururekin osatu zuten antolatzaileek festen aurreko emanaldia.

Gipuzkoako dantzak plazaratu zituzten aurrena. Hasteko, nola ez, agurra. Ondoren, ezpata dantza ikusgarria. Bloke hori itxi aurretik, beste lau dantza eskaini zituzten: upelategi, punta motz, uztai txiki eta jorrai-dantza. 

Gipuzkoatik, Zuberoara: bertan egin ohi den makil dantzarekin hasi ziren. XVI. mendean sortutako Branle deituriko modalitatea plazaratu zuten gero. Koadrillek dantzatuz itxi zuten bigarren atala. Helduen taldeak eskaini zituen hiru dantza horiek.

Kortesko makil-dantzaz gozatu zuten ikusleek gero. Sarrera eginez ekin zioten dantzariek hirugarren blokeari. Paseilloa dantzatu, eta lehenengo zinta-dantza plazaratu zuten. Baltsa izan zen atal horretako laugarren dantza, eta bigarren zinta-dantza egin zuten gero. Makil-jokoarekin utzi zuten Okendo plazako eszenatoki inprobisatua.

Erketz Txiki taldeko gazteek jarraitu zuten emanaldiarekin. Igitai dantza egin zuten aurrena. Ondoren, Polka de bebes. Esku-dantza eta txulalai emanaldiekin bukatu zuten. Ikusleek gogotik txalotu zuten neska-mutil gazteen lan ederra.

Sardinerak, Ihauteria... 

Dantza atalak itxi ahala gero eta gogo gehiago zituzten ikusleek Erketzeko dantzarien trebeziaz gozatzeko. Eta egin zuten.
Ikustekoa izan zen Lapurdiko sardineren emanaldia, otarreak eskuetan hartuta. Musika denborak hartu zuen lekukoa gero. Erronkariko ttun-ttuneroek ere piztu zuten ikusleen arreta.

Larunbateko emanaldia ixteko, Lapurdiko Ihauteria ekarri zuen Okendo plazara Erketz dantza taldeak. Sei dantza plazaratu zituzten dantzariek bloke horretan: hasteko, Xinple; Marmuts eta Zapataindantza ondoren; Lapurdiko makil-jokoekin jarraitu zuten; eta, amaitzeko, Ahuntxa eta Kontradantzak. Ikusleek ia-ia nekatzeraino jo zituzten txaloak, dantzarien lan bikaina eskertuz.

Gauean Arrieskalleta elkartean berritu zituzten indarrak Erketz EDTko kideek. Gaur goizean Brigitarren komentuko korpusean ere dantzatu dute.

ARGAZKIAK
BIDEOAK
blog comments powered by Disqus
OHARRAK
  • Zubietako Udako Txokoak
    Zubietako Guraso Elkarteak udararako haur txokoak antolatuko ditu Zubietan, 2 eta 12 urte bitarteko haurrei zuzenduak. Txokoetan parte hartzeko, uztailaren 27ra arte aurretiko izen emate epea zabalik dago. Interesatuek zubietatxoko@gmail.com helbidera idatzi edo 649659786 telefonora dei dezakete.
  • Biyak bat elkarteko gizonen ileapaindegia martxan
    Biyak Bat elkarteak jakinarazten du, gizonezko ileapaindegi zerbitzua martxan dela. Ileapaindegiaren ordutegia honakoa da: astelehenetik ostiralera, goizez 10:00etatik 13:00etara eta arratsaldez, 16:00etatik 18:00etara.
  • Aterpea 25. urteurreneko afaria
    Aterpea Merkatari elkarteak 25. urteurrena ospatzen ari da. Ospakizunen artean, maiatzaren 19an, afaria antolatu du Maialen Chourraut kiroldegian. Ostean, dantzaldia izango da, Ibai Berriak taldeak girotua. Tiketak 40 euro balio ditu eta maiatzaren 12ra arte izango dira salgai elkarteko dendetan.
  • Galizia eta Portugalera bidaia
    Biyak Bat elkarteak bidaia antolatu du Galizia eta Portugaleko iparraldera, maiatzaren 27tik ekainaren 5ra. Elkarteko bazkideek 530 euro ordaindu behar dituzte; bazkideak ez direnek, berriz, 580 euro. Izena ematea elkarteko bulegoan egin behar da astelehenetik ostiralera 10:30etik 12:30era.
ZORION AGURRAK
MARA
Zorionak maitia zure 4. urtebetetzean! Ondo pasa zure egunean! Maite zaitugu! Familia guztiaren partez.
AZKEN PDFa
1418 ( Apirilak 20 )
GUARDIAKO FARMAZIAK
Orue ( Asteartea)
Jaizkibel plaza 2
Tel: 943 362652
ASTEA
    • De Miguel ( Asteazkena )
      Kale Nagusia 32
      943 371151
    • Urbistondo ( Osteguna )
      San Frantzisko 1
      943 366567
    • Gil ( Ostirala )
      Kale Nagusia 24
      943 361529
    • Gandarias-Uribe ( Larunbata )
      Iñigo de Loyola 9
      943 019521
    • Gandarias-Uribe ( Igandea )
      Iñigo de Loyola 9
      943 019521
    • Acha-Orbea ( Astelehena )
      Hipodromo etorbidea 6
      943 363549
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48