Eskolako materiala erosteko laguntzak martxan jarri ditu udalak
2017-18 ikasturtean lehen hezkuntzan eta bigarren hezkuntzan matrikulatutako ikasleentzat dago zuzendua. Eskaerak egiteko epea da irailaren 4tik urriaren 2ra arte

Iaz bezalaxe, hurrengo ikasturterako eskolako materiala erosteko diru laguntzak abiatu ditu Lasarte-Oriako Udalak. Haurrak lehen hezkuntzan eta bigarren hezkuntzan matrikulatu dituzten gurasoek eskatu ditzakete, betiere iaz jasotako errentaren arabera. Ikasle bakoitzeko 75, 50  edo 25 eurokoak dira laguntzak. Eskolarako materiala ez ezik (arkatzak, boligrafoak, koadernoak, karpetak…), eskolara joateko beharrezkoak diren janztekoak ere erosi ahal izango dira diru horrekin (uniformea, betaurrekoak…).

Diru laguntza jaso ahal izateko baldintzei eta prozedurari buruzko eskuorria jasoko dute herritarrek postontzian. Dendetan ere izango dira informazio orriak. Gehienez, urteko 40.000 euroko diru sarrera eduki beharko dute familiek laguntza horretaz aprobetxatzeko. 20.000 eurotik beherakoak dutenek, 75 euro jasoko dute; 20.000 eta 30.000 euro artekoak dutenek, 50 euro; eta, azkenik, 30.000 eta 40.000 euro artekoak dutenek, 25 euro.

Laguntza jasotzeko, erositako materialaren tiketak aurkeztu beharko dira inprimakiarekin batera. Eskaera sarean egiten bada, eskaneatu egin beharko dira dokumentu horiek.

Lasarte-Oriako edozein dendatan erabili ahal izango da. Hain zuzen, ekimenaren beste helburua da herrian bertan kontsumoa bultzatzea. Haurrak herritik kanpo matrikulatu dituztenak ere jaso ahalko dituzte, Lasarte-Orian erroldatuta baldin badaude.  

Jesus Zaballos alkateak esan duenez, iazko diru sorta berbera eskaini dute aurten: 10.000 euro. “Ez zen guztia gastatu, ez dakigu zergatik, agian ezjakintasunagatik”. Alkateak nabarmendu duenez, diru laguntza horiek herriko dendei ere mesede egiten diete. “Herriko dendetan gastatu behar da, berdin du Aterpeako kideak diren edo ez”.

DR jostailu-liburu dendan eman dituzte diru egitasmoaren nondik norakoak. Nekane Robles dendako arduradunak “pozarren” hartu du ekimena. Halere, udala animatu du norabide horretan urrats gehiago egitera. “Laguntzak jaso ditzaketen haurren adin tartea zabaldu behar da”.

  

ARGAZKIAK
blog comments powered by Disqus
OHARRAK
  • Intza elkartearen Batzar Orokorra
    Intza elkarteak jakinarazten du, otsailaren 4an, igandean ohiko eta ez-ohiko batzar orokorrak antolatu dituela. Lehen deialdia 09:00etan da eta bigarrena berriz, 09:30ean. Elkarteak bazkide guztiei deia egiten die batzarrera hurbiltzeko.
  • Eskalada doan, Pio Barojan
    Lasarte-Oriako Udal Kirol Zerbitzuak eskaladan hasteko saio berezia antolatu du 2006, 2007, 2008 eta 2009an jaiotako neska-mutilentzat. Jardunaldia urtarrilaren 27an egingo da, arratsaldeko 16:00etan, Donostiako Pio Baroja kiroldegian. Interesa duten pertsonek Maialen Chourraut kiroldegian eman beharko dute beraien izena. Plaza kopurua mugatua denez, izen-emate zerrenda errespetatuko da. Jarduera doan izango da udal kirol instalazioen bazkideentzat.
  • Mus txapelketa
    Euskal Herriko X. Mus Txapelketako Lasarte-Oriako fasea jokatuko da urtarrilaren 26an, Xirimiri elkartean. Egun horretan bertan, elkartera izen ematera gerturatzen direnek momentuan jokatuko dute kanporaketa, eta bertan irabazle suertatzen direnek Gipuzkoako txapelketarako pasea lortuko dute. 20 euroko kostua (bikoteko) izango du izen emateak.
  • Biyak Bat elkartearen batzar orokorra
    Biyak Bat elkarteak jakinarazten du, urtarrilaren 27an, larunbata 2017 urteari dagokion batzar orokorra egingo duela. Lehen deialdia 17:30ean da eta bigarrena berriz, 18:00etan. Elkarteak bazkide guztiei deia egiten die batzarrera hurbiltzeko elkartearen egoeren berri izan dezaten.
  • Odol ateratzea
    Hilabeteko azken astelehenean, urtarrilaren 29an, eman ahal izango da odola Osasun Zentroan, 17:30etik 20:30era. Anima zaitezte, odola ordezkaezina da eta odol falta dago!
Lasarte-Oria
Gaur ez dago ekitaldirik Lasarte-Orian.
ZORION AGURRAK
SAIOA
Ondo pasa zure bederatzigarren urtebetetzean, zure gurasoen eta Iker anaiaren partetik.
AZKEN PDFa
1407 ( Urtarrilak 19 )
GUARDIAKO FARMAZIAK
Gandarias-Uribe ( Asteazkena)
IƱigo de Loyola 9
Tel: 943 019521
ASTEA
    • Orue ( Osteguna )
      Jaizkibel plaza 2
      943 362652
    • De Miguel ( Ostirala )
      Kale Nagusia 32
      943 371151
    • Orue ( Larunbata )
      Jaizkibel plaza 2
      943 362652
    • Orue ( Igandea )
      Jaizkibel plaza 2
      943 362652
    • Lasa ( Astelehena )
      Kale Nagusia 42 atzea
      943 361774
    • Gil ( Asteartea )
      Kale Nagusia 24
      943 361529
    txintxarri@txintxarri.eus
    txintxarri@ttakun.eus
    Geltoki kalea 4, Lasarte-Oria 20160 Gipuzkoa
    943 37 14 48